ବ୍ରହ୍ମପୁର: ଆମ୍ବଗଛରୁ ଉଦ୍ଧାର ହେଲା ଯୁବକ ଯୁବତୀଙ୍କ ଝୁଲନ୍ତା ମୃତଦେହ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଜରଡା ଥାନା ସାମନ୍ତରାପୁର ଗାଁ ପାଖ ଆମ୍ବତୋଟାରେ । ଘଟଣା ସ୍ଥଳରେ ଏହା ଚାଞ୍ଚଲ୍ୟ ସୃଷ୍ଟି କରିଥିବାବେଳେ ପୋଲିସ୍ ପହଞ୍ଚି ତଦନ୍ତ ଜାରି ରଖିଛି ।
ମିଳିଥିବା ସୂଚନା ଅନୁଯାୟୀ, ସାମନ୍ତରାପୁର ଆମ୍ବତୋଟାରେ ଗୋଟିଏ ଆମ୍ବ ଗଛରେ ଯୁବକଙ୍କ ମୃତ ଦେହ ଝୁଲୁଥିବା ସମୟରେ ଅଧ କିମି ଦୂର ଆଉ ଏକ ଗଛରେ ଯୁବତୀଙ୍କ ମୃତ ଦେହ ଝୁଲୁଛି । ତେବେ ଏହି ମୃତ୍ୟୁ ପଛରେ କଣ ରହସ୍ୟ ରହିଛି , ତାହା ଏପର୍ଯ୍ୟନ୍ତ ଜଣାପଡିନାହିଁ । ତଦନ୍ତ ପରେ ପ୍ରକୃତ ତଥ୍ୟ ସାମ୍ନାକୁ ଆସିବ ବୋଲି କୁହାଯାଉଛି
