ବାଥରୁମ୍‌ରୁ ଉଦ୍ଧାର ହେଲା ସେଲିବ୍ରିଟି ଫ୍ୟାଶନ ଡିଜାଇନର ପ୍ରତ୍ୟୁଷାଙ୍କ ମୃତ ଦେହ

ସେଲିବ୍ରିଟି ଫ୍ୟାଶନ ଡିଜାଇନର ପ୍ରତ୍ୟୁଷା ଗାରିମେଲାଙ୍କ ମୃତଦେହ ବାଥରୁମ୍‌ରୁ ଉଦ୍ଧାର କରାଯାଇଛି। ହାଇଦ୍ରାବାଦର ବଞ୍ଜାରା ହିଲ୍ସ ସ୍ଥିତ ବାସଭବନରେ ସନ୍ଦେହଜନକ ଅବସ୍ଥାରେ ବାଥରୁମ୍‌ ଭିତରୁ ପ୍ରତ୍ୟୁଷାଙ୍କ ମୃତଦେହ ଉଦ୍ଧାର କରାଯାଇଛି। ସୂଚନାଅନୁଯାୟୀ ଶନିବାର ଏହି ଘଟଣା ଘଟିଛି। ପୋଲିସ୍‌ କହିବା ଅନୁସାରେ, ଖବରପାଇ ଘଟଣାସ୍ଥଳରେ ପହଞ୍ଚିବା ପରେ ପ୍ରତ୍ୟୁଷାତାଙ୍କ ମୃତଦେହ ବାଥରୁମ୍‌ରେ ପଡ଼ିଥିବା ଦେଖିବାକୁ ମିଳିଥିଲା। ଏହାପରେ ତାଙ୍କୁ ଉଦ୍ଧାର କରାଯାଇ ପୋଷ୍ଟମର୍ଟମ ପାଇଁ ଓସ୍‌ମାନିଆ ହସ୍ପିଟାଲ୍‌ରେ ଭର୍ତ୍ତି କରାଯାଇଥିଲା। ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ପ୍ରତ୍ୟୁଷାଙ୍କ ବେଡ୍‌ରୁମ୍‌ରୁ ଏକ କାର୍ବନ ମୋନୋକ୍ସାଇଡ୍‌ ସିଲିଣ୍ଡର ଜବତ କରାଯାଇଛି। ସନ୍ଦେହଜନକ ମୃତ୍ୟୁକୁ ନେଇ ବଞ୍ଜାରା ହିଲ୍ସ ଥାନାରେ ଏକ ମାମଲା ରୁଜୁ କରାଯାଇ ଘଟଣାର ତଦନ୍ତ ଆରମ୍ଭ ହୋଇଛି।