ଭାରସାମ୍ୟ ହରାଇ ୩୦ ଫୁଟ ତଳକୁ ଖସିଲା କାର । ଏଭଳି ମର୍ମନ୍ତୁଦ ଦୂର୍ଘଟଣା ଘଟିଛି ମୟୂରଭଞ୍ଜ ଜିଲ୍ଲା ଯଶିପୁର ଥାନା ଅନ୍ତର୍ଗତ ୪୯ ନମ୍ବର ଜାତୀୟ ରାଜପଥ ଗହିରା ଘାଟିରେ । ଏହି ଦୂର୍ଘଟଣାରେ ସ୍ତ୍ରୀ ଦିଶା ଚୌଧୁରୀ ଘଟଣା ସ୍ଥଳରେ ମୃତ୍ୟୁବରଣ କରିଥିବା ବେଳେ ସ୍ବାମୀ ଏବଂ ପୁଅ, ଝିଅ ଗୁରୁତର ଅସ୍ଥାରେ ଚିକିତ୍ସିତ ହେଉଛନ୍ତି ।
ଏକ ଅଡି କାର ଯୋଗେ ସ୍ବାମୀ-ସ୍ତ୍ରୀ ଓ ତାଙ୍କର ପୁଅ-ଝିଅ ଚାରି ଜଣ ମିଶି କଲିକତାରୁ ନାଗପୁର ଅଭିମୁଖେ ଯାତ୍ରା କରୁଥିଲେ । ତେବେ ଗହିରା ଘାଟିରେ ଭାରସାମ୍ୟ ହରାଇ ଗାଡିଟି ପ୍ରାୟ ୩୦ ଫୁଟ ତଳକୁ ଖସିପଡ଼ିଥିଲା । ଫଳରେ ସ୍ତ୍ରୀ ଦିଶା ଚୌଧୁରୀଙ୍କ ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା । ସ୍ୱାମୀ ସୌମ୍ୟ ଚୌଧୁରୀ ଏବଂ ଦୁଇ ସନ୍ତାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଜଶିପୁର ଗୋଷ୍ଠି ସ୍ବାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । ସେଠାରେ ଉଭୟଙ୍କ ଚିକିତ୍ସା ଜାରି ରହିଛି । ସେପଟେ ଖବର ପାଇ ଯଶିପୁର ଥାନା ପୋଲିସ୍ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଜାରି ରଖିଛି ।
