ନଦୀକୁ ଗାଧୋଇବାକୁ ଯାଇ ନାବାଳକର ମୃତ୍ୟୁ

ନଦୀକୁ ଗାଧୋଇବାକୁ ଯାଇ ନାବାଳକଙ୍କର ମୃତ୍ୟୁ ହୋଇଛି । ସୂଚନା ଅନୁଯାୟୀ, ମୃତ ନାବାଳକ ଜଣଙ୍କର ସୂର୍ଯ୍ୟଗଡ଼ ଗାଁର ଆକାଶ ନାୟକ ଗାଁ ମୁଣ୍ଡରେ ଥିବା କାଳିଆଗାଡ ନଦୀକୁ ଗାଧୋଇବା ପାଇଁ ଯାଇଥିଲେ । ଦୀର୍ଘ ସମୟ ପରେ ଘରକୁ ନ ଫେରିବାରୁ ପରିବାରଲୋକେ ଖୋଜାଖୋଜି କରିଥିଲେ ମଧ୍ୟ ବିଫଳ ହୋଇଥିଲେ । କିଛି ସମୟ ପରେ ଗାଁର କିଛି ଯୁବକ ନଦୀରେ ଏକ ମୃତଦେହ ଭାସୁଥିବାର ଦେଖିବାକୁ ପାଇଥିଲେ । ଏହାପରେ ନଦୀ ଭିତରୁ ମୃତଦେହ ଉଦ୍ଧାର କରାଯାଇଥିଲା ଓ ଏହା ଆକାଶର ବୋଲି ପରିବାର ଲୋକେ ଚିହ୍ନଟ କରିଥିଲେ । ପରେ ପରିବାର ଲୋକେ ପୋଲିସ ଓ ମେଡ଼ିକାଲଟିମକୁ ଖବର ଦେଇଥିଲେ ମଧ୍ୟ ଟିମ ପହଞ୍ଚି ନଥିଲେ ବୋଲି ଅଭିଯୋଗ ହୋଇଛି । ଏହାପରେ ଗ୍ରାମବାସୀ ଓ ପରିବାର ଲୋକେ ମୃତଦେହ ନେଇ ଥୁଆମୂଳ ରାମପୁର ମେଡ଼ିକାଲରେ ପହଞ୍ଚିଥିଲେ । ପରେ ପରିବାର ପକ୍ଷରୁ ଥାନାରେ ଲିଖିତ ଅଭିଯୋଗ କରାଯାଇଥିଲା ଓ ପୋଲିସ ମେଡ଼ିକାଲରେ ପହଞ୍ଚି ତଦନ୍ତ ଆରମ୍ଭ କରିଥିଲା ।