ବମ୍ବେ:ରେକର୍ଡ ସୃଷ୍ଟି କଲା ‘କଫି ଉଇଥ୍ କରନ୍’ ଶୋ’ ର ପ୍ରଥମ ଏପିସୋଡ୍ । କରନ୍ ଜୋହରଙ୍କ ଏହି ଲୋକପ୍ରିୟ ଶୋ’ ବର୍ତ୍ତମାନ ବହୁତ ମନୋରଞ୍ଜନ କରୁଛି। ଦୀର୍ଘ ତିନି ବର୍ଷର ବ୍ୟବଧାନ ପରେ ଶୋ’ ପ୍ରସାରିତ ହେଉଥିବା ଯୋଗୁ ଏହା ନୂଆ ରେକର୍ଡ କରିଛି।
ତେବେ ପ୍ରଥମ ଗୁରୁବାର ଦିନ ଏପିସୋଡରେ ଆଲିଆ ଭଟ୍ଟ ଏବଂ ରଣବୀର ସିଂହଙ୍କୁ ଦେଖିବାକୁ ମିଳିଥିଲା । ଏହି ଏପିସୋଡ୍କୁ ସର୍ବାଧିକ ଲୋକ ଦେଖିଛନ୍ତି । ଓଟିଟି ପ୍ଲାଟଫର୍ମ ଡିଜ୍ନୀ ପ୍ଲସ ହଟ୍ଷ୍ଟାର୍ରେ ସବୁଠାରୁ ଅଧିକ ଲୋକ ଶୋ’ କୁ ସବ୍ସ୍କ୍ରାଇବ୍ ମଧ୍ୟ କରିଛନ୍ତି। ଶୋ’ର ସପ୍ତମ ସିଜନର ପ୍ରଥମ ଦିନ ସବୁଠାରୁ ବଡ ଓପନିଂ କରିଛି।
ଏ ବାବଦରେ କରନ୍ କହିଛନ୍ତି ଯେ , ପ୍ରଶଂସକଙ୍କ ଭଲପାଇବା ଏବଂ ପ୍ରଶଂସା ଦେଖି ଉତ୍ସାହିତ ଅଛି। ପ୍ରତି ଗୁରୁବାର ସେଭଳି ଆଉ ଅନେକ ଅତିଥିଙ୍କ ସହ ଚିଟ୍ଚାଟ୍ ଦେଖିବାକୁ ପ୍ରସ୍ତୁତ ରୁହନ୍ତୁ ।
