ବାଲାକୋଟ ଓ ମେଂଢର ଅଞ୍ଚଳରେ ଥିବା ଜଙ୍ଗଲରେ ଲାଗିଥିବା ନିଆଁ ଅଣାୟତ୍ତ

ମେଂଢର, 16 ଜାନୁୟାରୀ – ଜମ୍ମୁ କଶ୍ମୀରର ବାଲାକୋଟ ଓ ମେଂଢର ଅଞ୍ଚଳର ଥିବା ଜଙ୍ଗଲରେ ଲାଗିଥିବା ନିଆଁ ଉପରେ ମଙ୍ଗଳବାର ତୃତୀୟ ଦିନ କାବୁ କରାଯାଇପାରିନାହିଁ । ନିଆଁ ଏବେ ଭୟଙ୍କର ରୂପ ଧାରଣ କରିଛି । ନିୟନ୍ତ୍ରଣ ରେଖା ନିକଟରେ ଥିବା ଅନେକ ବାରୁଦୀ ସୁଡଙ୍ଗରେ ବିସ୍ଫୋରଣ ହୋଇଛି ।
ଅଧିକାରୀଙ୍କ ସୂଚନା ମୁତାବକ ପୁଞ୍ଛ ଜିଲ୍ଲାର ପାହାଡି ଅଞ୍ଚଳରେ ନିୟନ୍ତ୍ରଣ ରେଖା ନିକଟରେ ଜଙ୍ଗଲରେ ଲାଗିଥିବା ନ୍ୟାୟ ବ୍ୟାପିବାରେ ଲାଗିଛି । ଅଧିକାରୀଙ୍କ ସୂଚନା ମୁତାବକ ଜଙ୍ଗଲରେ ନିଆଁ ଲାଗିବା ପରେ ମେଂଢର ସେକ୍ଟରରେ ଅନେକ ବାରୁଦ ସୁଡଙ୍ଗରେ ବିସ୍ଫୋରଣ ହୋଇଛି । ସେନା ଓ ବନ ବିଭାଗର କର୍ମୀ ସ୍ଥାନୀୟ ଲୋକଙ୍କ ସହାୟତାରେ ନିଆଁ ଲିଭାଇବା କାମରେ ଲାଗିପଡିଛନ୍ତି ।
ପାକିସ୍ତାନୀ ଆତଙ୍କବାଦୀମାନେ ଭାରତୀୟ ସୀମାରେ ଅନୁପ୍ରବେଶ କରିବାକୁ ଉଦ୍ୟମ କରି ବିଫଳ ହେଉଛନ୍ତି । ଏଭଳି ପରିସ୍ଥିତିରେ ଆତଙ୍କବାଦୀମାନେ ନିୟନ୍ତ୍ରଣ ରେଖା ନିକଟରେ ନିଆଁ ଲଗାଇ ଅନୁପ୍ରବେଶ ସୁଯୋଗ ଅପେକ୍ଷାରେ ରହିଛନ୍ତି । ଏହାକୁ ଦୃଷ୍ଟିରେ ରଖି ସୁରକ୍ଷାବଳ ପକ୍ଷରୁ ବ୍ୟାପକ ସତର୍କତା ଗ୍ରହଣ କରାଯାଇଛି ।