ଆଜି କୋରାପୁଟ ଗସ୍ତରେ ରାଜ୍ୟପାଳ, କେନ୍ଦ୍ରୀୟ ବିଶ୍ୱବିଦ୍ୟାଳୟରେ ସ୍ୱତନ୍ତ୍ର କାର୍ଯ୍ୟକ୍ରମରେ ଯୋଗଦେବେ
ଆଜି କୋରାପୁଟ ଗସ୍ତରେ ରାଜ୍ୟପାଳ ପ୍ରଫେସର ଗଣେଶୀ ଲାଲ୍ । ସୁନାବେଡ଼ା ଓଡ଼ିଶା କେନ୍ଦ୍ରୀୟ ବିଶ୍ୱବିଦ୍ୟାଳୟ ପକ୍ଷରୁ ଆୟୋଜିତ ହେଉଥିବା ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ଯୋଗଦେବେ । ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି ।
ମିଳିଥିବା ସୂଚନା ଅନୁଯାୟୀ, ପ୍ରଥମେ ରାଜ୍ୟପାଳ ହୀରାଖଣ୍ଡ ଏକ୍ସପ୍ରେସରେ ପୂର୍ବାହ୍ନ ସୁଦ୍ଧା ପହଞ୍ଚିବେ । ଏହାପରେ ସର୍କିଟ ହାଉସରେ ବିଶ୍ରାମ କରିବେ । ଅପରାହ୍ନ ୩ଟାରେ କେନ୍ଦ୍ରୀୟ ବିଶ୍ୱବିଦ୍ୟାଳୟକୁ ଯିବେ । ସେଠାରେ ନ୍ୟାସନାଲ କମିଶନ ଫର୍ ଏସଟି ସହଯୋଗରେ ଆଦିବାସୀ ସ୍ୱାଧୀନତା ସଂଗ୍ରାମୀଙ୍କ ଉପରେ ବିଶ୍ୱବିଦ୍ୟାଳୟରେ ଅନୁଷ୍ଠିତ ଜାତୀୟସ୍ତର ଆଲୋଚନାଚକ୍ରରେ ସେ ଅତିଥିଭାବେ ଉପସ୍ଥିତ ରହିବେ । କାର୍ଯ୍ୟକ୍ରମ ସାରି ଅପରାହ୍ନ ୫ ଟାରେ ସେମିଳିଗୁଡା ଦିଲ୍ଲୀ ପବ୍ଲିକ ସେକେଣ୍ଡାରି ସ୍କୁଲର ଏକ କାର୍ଯ୍ୟକ୍ରମରେ ଯୋଗଦେଇ କୋରାପୁଟ ପ୍ରତ୍ତ୍ୟାବର୍ତ୍ତନ କରିବେ । ରାତ୍ରଯାପନ କରି ରବିବାର ମଧ୍ୟାହ୍ନ ୧୨ଟାରେ କୁନ୍ଦରା ବ୍ଲକ୍ ବୁଡ଼ାଗୁଡ଼ା ଯାଇ ୧୨.୪୫ରେ ଜୟପୁରର ଏକ କାର୍ଯ୍ୟକ୍ରମରେ ଯୋଗଦେଇ ଅପରାହ୍ନ ୫ଟା ବେଳେ ରାୟଗଡା ଅଭିମୁଖେ ଯାତ୍ରା କରିବେ ।
