ଭୁବନେଶ୍ୱର,13 ଜାନୁୟାରୀ – ଉତ୍କଳ ସଙ୍ଗୀତ ମହାବିଦ୍ୟାଳୟ ହଷ୍ଟେଲରୁ ଛାତ୍ରୀଙ୍କ ଝୁଲନ୍ତା ମୃତ ଶରୀର ଉଦ୍ଧାର ହୋଇଛି । ହଷ୍ଟେଲ ରୁମ ନମ୍ବର ୨୧ରେ ଯୁକ୍ତ ୨ ଦ୍ଵିତୀୟ ବର୍ଷର ଛାତ୍ରୀ ଉତ୍କଳିକା ସ୍ୱାଇଁ ଆତ୍ମହତ୍ୟା କରିଥିବା ସୂଚନା ମିଳିଛି । ସେ ଡ୍ୟାନ୍ସ ପାଠ୍ୟକ୍ରମ ବିଷୟରେ କଲେଜରେ ପଢୁଥିଲେ। ଗତକାଲି ରାତିରେ ହଷ୍ଟେଲରେ ଏଭଳି ଆତ୍ମହତ୍ୟା କରିଥିବାର ସୂଚନା ମିଳିଛି । ରୁମରେ ୩ ଜଣ ସାଙ୍ଗ ମିଶିକି ରହୁଥିଲେ, କିନ୍ତୁ ଗତ ୨ ଦିନ ହେଲା ଆଉ ୨ ଜଣ ସାଙ୍ଗ ହଷ୍ଟେଲରେ ନଥିଲେ। ଉତ୍କଳିକାଙ୍କ ଘର କେନ୍ଦ୍ରାପଡାରେ ବୋଲି ସୂଚନା ମିଳିଛି ।
