ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍ । ଏଭଳି ଘଟଣା ଦେଖିବାକୁ ମିଳିଛି ବାଲେଶ୍ୱର ୬୦ନଂ ଜାତୀୟ ରାଜପଥର ସଦର ବ୍ଲକ ଅନ୍ତର୍ଗତ ହଳଦୀପଦାଠାରେ । ସୌଭାଗ୍ୟବଶତଃ ୬୫ରୁ ଊର୍ଦ୍ଧ୍ୱ ଯାତ୍ରୀ ଏହି ଘଟଣାରେ ଅଳ୍ପକେ ବର୍ତ୍ତି ଯାଇଥିବା ବେଳେ ଜଣେ ଗୁରୁତର ହୋଇଥିବା ଖବର ମିଳିଛି । ଆହତ ଜଣଙ୍କୁ ବାଲେଶ୍ୱର ମୁଖ୍ୟ ଡାକ୍ତର ଖାନାକୁ ସ୍ଥାନାନ୍ତର କରାଯାଇଛି। ଖବର ପାଇ ବସ୍ତା ଥାନା ପୋଲିସ ଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ସୂଚନାନୁଯାୟୀ, ‘ରାଜନନ୍ଦିନୀ’ ନାମକ ଡବ୍ଲ୍ୟୁବି ୨୯ ବି ୩୪୩୨ ନଂ ବିଶିଷ୍ଟ ଏକ ତୀର୍ଥଯାତ୍ରୀ ବସ୍ ପଶ୍ଚିମବଙ୍ଗ ମେଦିନୀପୁରରୁ ୬୫ରୁ ଊର୍ଦ୍ଧ୍ୱ ତୀର୍ଥଯାତ୍ରୀଙ୍କୁ ନେଇ ପୁରୀ ଯାଇଥିଲେ। ରବିବାର ରାତିରେ ଛତିଆରୁ ଦିଘା ଅଭିମୁଖେ ଯାତ୍ରା କରୁଥିବା ବେଳେ ଭୋର୍ ୪ଟାରେ ହଳଦୀପଦାଠାରେ ଭାରସାମ୍ୟ ହରାଇ ରାଜପଥ ପାର୍ଶ୍ୱ ନୟନଯୋଡ଼ିକୁ ବସ୍ଟି ଓଲଟି ପଡ଼ିଥିଲା।
