ଇସ୍ଲାମ୍ବାଦ୍ : ଏକ ଯାତ୍ରୀ ପୂର୍ଣ୍ଣ ଭ୍ୟାନଟି ଖାଇରେ ପଡିବାରୁ ୨୨ ଜଣଙ୍କ ମୃତ୍ୟୁ ହୋଇଛି । ପାକିସ୍ତାନର ବଲୁଚୀସ୍ତାନରେ ଏଭଳି ଏକ ବଡ ଧରଣର ଦୁର୍ଘଟଣା ଘଟିଯାଇଛି । ଏହି ଦୁର୍ଘଟଣାଟି ଭୋର ସମୟରେ ଘଟିଛି । ଭ୍ୟାନ୍ ଟି ସ୍ୱେଫୁଲ୍ଲାହସ୍ଥିତ ଗହରିଆ ଖାଇ ଭିତରେ ଗଳି ପଡିଛି, ଯେଉଁଥିରେ ୨୨ ଜଣଙ୍କ ମୃତ୍ୟୁ ହୋଇଛି । ଏହି ଦୁର୍ଘଟଣା ସମୟରେ ଭ୍ୟାନରେ ୨୩ ଜଣ ଯାତ୍ରୀ ଉପସ୍ଥିତ ଥିଲେ । ଏହି ଦୁର୍ଘଟଣାରେ ୨୨ ଜଣଙ୍କ ମୃତ୍ୟୁ ହୋଇଥିବା ବେଳେ ଗୋଟେ ଛୋଟ ଛୁଆ ଗଭୀର ଆହତ ହୋଇଛି । ସମସ୍ତ ମୃତ ଦେହକୁ ଉଦ୍ଧାର କରାଯାଇଛି । ଆହତ ହୋଇଥିବା ଶିଶୁଟିକୁ ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି । ଅନ୍ୟପକ୍ଷରେ ପାକିସ୍ତାନ ମନ୍ତ୍ରୀ ବିଲାୱାଲ ଭୁଟୋ ଏହି ଦୁର୍ଘଟଣାରେ ଦୁଃଖ ପ୍ରକାଶ କରିବା ସହିତ ପୀଡିତା ଶିଶୁକୁ ଯଥା ସମ୍ଭବ ସାହାଯ୍ୟ କରିବାକୁ ନିର୍ଦ୍ଦେଶ ଦେଇଛନ୍ତି ।
