ପୋରବନ୍ଦରରେ ଶାହଙ୍କ ପ୍ରଚାର, କହିଲେ ନୀତି ଓ ଭୋଟ୍ ବ୍ୟାଙ୍କ ରାଜନୀତିରେ ଧ୍ରୁବୀକରଣ ହେଉଛି

ନୂଆଦିଲ୍ଲୀ-ଗୁଜରାଟ ପୋରବନ୍ଦରରେ ପ୍ରଚାର କରିଛନ୍ତି କେନ୍ଦ୍ରମନ୍ତ୍ରୀ ଅମିତ ଶାହ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ତୃତୀୟ ପାଳିରେ ଭାରତ ବିଶ୍ୱର ଶ୍ରେଷ୍ଠ ତିନୋଟି ଅର୍ଥନୀତି ମଧ୍ୟରେ ସ୍ଥାନ ପାଇବ ବୋଲି ବରିଷ୍ଠ ବିଜେପି ନେତା ଅମିତ ଶାହ ବିଶ୍ୱାସ ବ୍ୟକ୍ତ କରିଛନ୍ତି। ଆଜି ଗୁଜରାଟର ପୋରବନ୍ଦରଠାରେ ଏକ ଜନସଭାକୁ ସମ୍ବୋଧିତ କରି ଶ୍ରୀ ଶାହା ଧାରା ୩୭୦ ଉଚ୍ଛେଦ, ରାମ ମନ୍ଦିର ନିର୍ମାଣ, ଆତଙ୍କବାଦ ଓ ନକ୍ସଲବାଦର ସଫଳ ମୁକାବିଲା ଏବଂ ଦେଶରେ ଶାନ୍ତି ଆଣିବା ଭଳି ଐତିହାସିକ ନିଷ୍ପତ୍ତି ପାଇଁ ଶ୍ରୀ ମୋଦୀଙ୍କୁ ଶ୍ରେୟ ଦେଇଛନ୍ତି।
ଶାହା କଂଗ୍ରେସ ଦଳକୁ ସମାଲୋଚନା କରି କହିଛନ୍ତି ଯେ, ନୀତି ଓ ଭୋଟ୍ ବ୍ୟାଙ୍କ ରାଜନୀତିରେ ଧ୍ରୁବୀକରଣ ହେଉଛି। ଦେଶରେ ଥିବା ତୀର୍ଥକେନ୍ଦ୍ରଗୁଡ଼ିକୁ ପୁନରୁଦ୍ଧାର କରିଥିବାରୁ ସେ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିଥିଲେ। ବିଜେପି ଲଗାତାର ତୃତୀୟ ଥର ପାଇଁ ଗୁଜୁରାଟର ସମସ୍ତ ୨୬ଟି ଆସନରେ ବିଜୟୀ ହେବ ବୋଲି ସେ ବିଶ୍ୱାସ ବ୍ୟକ୍ତ କରିଛନ୍ତି। କେବଳ ବିଜେପି ସରକାର ହିଁ ଗୁଜରାଟର ବର୍ଷା ପ୍ରଭାବିତ ଅଞ୍ଚଳରେ ଜଳ ସଙ୍କଟ ଦୂର କରିବାରେ ସହାୟକ ହୋଇଛି ଏବଂ ରାଜ୍ୟରେ ସମୃଦ୍ଧି ଆଣିଛି ବୋଲି ସେ କହିଥିଲେ।