କରୋନା ସଂକ୍ରମିତ ରୋଗୀ ଚିହ୍ନଟ ହେବା ପରେ ପୁଣି ଥରେ ତିନି ଦିନ ପାଇଁ ବନ୍ଦ ହେଲା ଭିସୁଟ୍

ସମ୍ବଲପୁର ସ୍ଥିତ ବୁର୍ଲା ଭିସୁଟକୁ ପୁଣି ଥରେ ଆସନ୍ତା ୧୨ ତାରିଖ ସୋମବାର ଯାଏଁ ବନ୍ଦ ରଖା ଯାଇଛି । ପୂର୍ବ ଛୁଟି ଘୋଷଣା ଅନୁଯାୟୀ, ଶନିବାର ଓ ରବିବାର ମଧ୍ୟ ଭିସୁଟ ବନ୍ଦ ରହିବ । କରୋନା ସଂକ୍ରମଣ ଦୂର ପାଇଁ ଭିସୁଟ ପରିସରକୁ ସାନିଟାଇଜ କରାଯିବା ନେଇ ଏଭଳି ପଦକ୍ଷେପ ନିଆଯାଇଛି । ମୋଟ ୩ ଦିନ ପାଇଁ ଭିସୁଟ ବନ୍ଦ ରହିବା ନେଇ କର୍ତ୍ତୃପକ୍ଷ ଏନେଇ ଘୋଷଣା କରିଛନ୍ତି । ପୂର୍ବଭଳି ଅନଲାଇନରେ ସମସ୍ତ ଅଧ୍ୟାପକମାନେ ଛାତ୍ରଛାତ୍ରୀଙ୍କୁ ଶିକ୍ଷାଦାନ କରିବେ । ଏହି ବନ୍ଦ ସମୟରେ ଅଗ୍ନିଶମ ବିଭାଗ ପକ୍ଷରୁ ଭିସୁଟ୍ ପରିସରକୁ ସାନିଟାଇଜ କରାଯିବା ବୋଲି ଜଣାପଡିଛି ।