ବ୍ରଜରାଜନଗର : ବ୍ରଜରାଜନଗର ଉପନିର୍ବାଚନ ପାଇଁ ବାଜିଲା ବିଗୁଲ । ମେ ୩୧ରେ ବ୍ରଜରାଜନଗର ଭୋଟ୍ । ମେ ୪ ତାରିଖରେ ପ୍ରକାଶ ପାଇବ ବିଜ୍ଞପ୍ତି । ମେ ୪ରୁ ୧୧ ତାରିଖ ମଧ୍ୟରେ ହେବ ନାମାଙ୍କନପତ୍ର ଦାଖଲ । ଜୁନ ୩ରେ ପ୍ରକାଶ ପାଇବ ଫଳାଫଳ । ବିଧାୟକ କିଶୋର ମହାନ୍ତିଙ୍କ ପରଲୋକ ପରେ ଏହି ଆସନ ଖାଲିପଡିଥିଲା । ଏହି ନିର୍ବାଚନରେ ଇଭିଏମ ଓ ଭିଭିପାଟର ବ୍ୟବହାର ହେବ । କରୋନା କଟକଣା ଅନୁଯାୟୀ ନିର୍ବାଚନ ହେବାକୁ ଥିବା ବେଳେ ଯଦି କେହି ପ୍ରାର୍ଥୀ କରୋନା ଗାଇଡଲାଇନର ଉଲ୍ଲଂଘନ କରେ ତେବେ ତାଙ୍କୁ ପ୍ରଚାର କରିବାକୁ ଅନୁମତି ଦିଆଯିବ ନାହିଁ । ଦିବଙ୍ଗତ ବିଧାୟକ କିଶୋର ମହାନ୍ତିଙ୍କ ପରଲୋକ ପରେ ବ୍ରଜରାଜନଗର ଆସନ ଫାଙ୍କା ପଡିଛି । ତେଣୁ ଏହି ଆସନରେ ନିର୍ବାଚନ ହେବାକୁ ଯାଉଛି । ଉପ-ନିର୍ବାଚନ ପାଇଁ ଘୋଷଣା ପରେ ଏବେ ୩ ପ୍ରମୁଖ ରାଜନୈତିକ ଦଳ ପକ୍ଷରୁ ଆରମ୍ଭ ହେବ କସରତ । ତେବେ କେଉଁ ଦଳରୁ କିଏ ପ୍ରାର୍ଥୀ ହେଉଛି ତାହା ଉପରେ ରହିବ ସମସ୍ତଙ୍କର ନଜର ।
