ବଜାରକୁ ଆସିବ ନୋଭାଭକ୍ସ: ଆଦର ପୁନାଓ୍ଵାଲା

ଆସନ୍ତା ୬ମାସ ମଧ୍ୟରେ ପିଲାମାନଙ୍କ ପାଇଁ ଉଦ୍ଦିଷ୍ଟ କୋଭିଡ-୧୯ ଟିକା ନୋଭାଭକ୍ସ ଏନଭିଏଏକ୍ସଓକୁ ବଜାରକୁ ଛାଡ଼ିବ ବୋଲି ଏହାର ସେରମ୍‌ ଇନଷ୍ଟିଚ୍ୟୁଟ୍‌ ଅଫ୍‌ ଇଣ୍ଡିଆ ସିଇଓ ଆଦର ପୁନାଓ୍ଵାଲା କହିଛନ୍ତି।

କନଫେଡେରେସନ୍‌ ଅଫ୍‌ ଇଣ୍ଡିଆନ୍‌ ଇଣ୍ଡଷ୍ଟ୍ରି ଦ୍ୱାରା ଆୟୋଜିତ ଏକ ଭର୍ଚୁଆଲ୍‌ ସମ୍ମିଳନୀରେ ଯୋଗଦେବା ଅବସରରେ ଆଦର ପୁନାୱାଲା କହିଛନ୍ତି ଯେ ବିଶ୍ୱର ସର୍ବବୃହତ ଟିକା ଉତ୍ପାଦକ ନୋଭାକ୍ସସଟ ଦ୍ୱାରା ପ୍ରସ୍ତୁତ କୋଭିଡ-୧୯ ଟିକା କୋଭୋଭାକ୍ସ ତିନି ବର୍ଷ ଏବଂ ତା’ଠାରୁ ଅଧିକ ବୟସର ପିଲାମାନଙ୍କ ଠାରେ ପରୀକ୍ଷାରେ ଭଲ ଫଳାଫଳ ଦେଖାଇଛି।

ଟୀକା ଏବେ ପରୀକ୍ଷା ଅଧୀନରେ ଅଛି ଏବଂ ୩ ବର୍ଷ ବୟସ ଗୋଷ୍ଠୀ ପର୍ଯ୍ୟନ୍ତ ଏହା ଉତ୍କୃଷ୍ଟ ଫଳ ଦେଖାଇଛି। ଇଣ୍ଡୋନେସିଆ ପରି ଦେଶକୁ ରପ୍ତାନି କରିସାରିଥିବା ନୋଭାଭକ୍ସ ଟିକା ବ୍ୟତୀତ, ଏସଆଇଆଇ ମଧ୍ୟ ଆଷ୍ଟ୍ରାଜେନେକା ଏଜେଡଏନ ଏବଂ ସ୍ପୁଟନିକ୍‌ ଟିକା ଉତ୍ପାଦନ କରୁଛି । ଏପ୍ରିଲରୁ ଆଷ୍ଟ୍ରାଜେନେକା ଟିକାର ଏସଆଇଆଇ ଦ୍ୱାରା ମାସିକ ଉତ୍ପାଦନ ପ୍ରାୟ ଚାରିଗୁଣ ବୃଦ୍ଧି ପାଇ ୨୫୦ ନିୟୁତ ଡୋଜରେ ପହଞ୍ଚିଛି, ଏବଂ ଦୁର୍ବଳ ବଜାର ଚାହିଦା ହେତୁ ସେହି ଉତ୍ପାଦନକୁ ସାମୟିକ ଭାବରେ ଅଧା କରିବାକୁ ଯୋଜନା ଘୋଷଣା କରିଛି।