କେରଳରେ ଆସନ୍ତା ନିର୍ବାଚନ ପାଇଁ ମଙ୍ଗଳବାର (ଏପ୍ରିଲ ୭) ସନ୍ଧ୍ୟା ୬ଟାରୁ ୪୮ ଘଣ୍ଟିଆ ‘ସାଇଲେନ୍ସ ପିରିଅଡ୍’ ଲାଗୁ ହେବ। ଏହି ସମୟରେ ସମସ୍ତ ପ୍ରକାରର ନିର୍ବାଚନ ପ୍ରଚାରକୁ ପୂରାପୁରି ନିଷେଧ କରାଯିବ ବୋଲି ରାଜ୍ୟ ନିର୍ବାଚନ କର୍ତ୍ତୃପକ୍ଷ ସୂଚନା ଦେଇଛନ୍ତି।
ମୁଖ୍ୟ ନିର୍ବାଚନ ଅଧିକାରୀ ଡାକ୍ତର ରଥନ୍ ୟୁ. କେଲକର କହିଛନ୍ତି ଯେ, ଆଇନ ଅନୁସାରେ ଏହି ସମୟରେ ସଭା,ରା଼ଲ୍ଲି , ଓ ପ୍ରଚାର ଯାତ୍ରା ସମେତ ସମସ୍ତ ପ୍ରକାରର ରାଜନୈତିକ କାର୍ଯ୍ୟକଳାପ ଉପରେ ପ୍ରତିବନ୍ଧ ରହିବ।
ଏହା ସହିତ ସଙ୍ଗୀତ କାର୍ଯ୍ୟକ୍ରମ, ନାଟକ ଓ ଅନ୍ୟାନ୍ୟ ସାମ୍ୟସାମୟିକ କାର୍ଯ୍ୟକଳାପ ମଧ୍ୟ ନିଷିଦ୍ଧ ହେବ, ଯଦି ସେଗୁଡିକ ମତଦାତାଙ୍କୁ ପ୍ରଭାବିତ କରିବା ଉଦ୍ଦେଶ୍ୟରେ ହୋଇଥାଏ। ଟିଭି, ସିନେମା, ରେଡିଓ ଓ ଅନ୍ୟ ଇଲେକ୍ଟ୍ରୋନିକ ମାଧ୍ୟମରେ ନିର୍ବାଚନ ସମ୍ପର୍କିତ ସାମଗ୍ରୀ ପ୍ରସାରଣ ଉପରେ ମଧ୍ୟ ପ୍ରତିବନ୍ଧ ରହିବ।
ନିର୍ବାଚନ ପୂର୍ବ ଦିନ ଓ ଭୋଟିଂ ଦିନରେ ସମ୍ବାଦପତ୍ରରେ ରାଜନୈତିକ ବିଜ୍ଞାପନ ପ୍ରକାଶ ପାଇଁ ପୂର୍ବ ଅନୁମତି ଆବଶ୍ୟକ।
ଏପ୍ରିଲ ୯ରେ ଭୋଟଗ୍ରହଣ ହେବାକୁ ଥିବାବେଳେ ମଇ ୪ରେ ମତଗଣନା ହେବ। ନିର୍ବାଚନକୁ ସ୍ୱତନ୍ତ୍ର ଓ ନିଷ୍ପକ୍ଷ ରଖିବା ପାଇଁ ସମସ୍ତଙ୍କୁ ନିୟମ ମାନିବାକୁ ଅନୁରୋଧ କରାଯାଇଛି।
