କୋଲକାତା: ବଙ୍ଗୀୟ ଅଭିନେତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର । ପଙ୍ଖାରେ ଝୁଲୁଥିବା ଅବସ୍ଥାରେ ଅଭିନେତ୍ରୀ ପଲ୍ଲବୀ ଦେଙ୍କର ମୃତଦେହ ଉଦ୍ଧାର କରିଛି ପୋଲିସ । ଅଭିନେତ୍ରୀଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି । ଏହା ହତ୍ୟା ନା ଆତ୍ମହତ୍ୟା , ଏନେଇ ତଦନ୍ତ କରୁଛି ପୋଲିସ୍ ।
ଅଭିନେତ୍ରୀ ପଲ୍ଲବୀ ଟିଭି ଶୋ’ ‘ମୋନ ମୋନ ନା’ ରେ ମୁଖ୍ୟ ଭୂମିକାରେ ଅଭିନୟ କରୁଥିଲେ । ଏହି ଖବର ଶୁଣି ତାଙ୍କ କୋ-ଷ୍ଟାର ଏବଂ ପ୍ରଶଂସକ ଚକିତ ହୋଇପଡିଛନ୍ତି । ମେ ୧୨ ରେ ପଲ୍ଲବୀ ଶୋ’ ର ସୁଟିଂ କରିଥିଲେ ଏବଂ ତାଙ୍କ ସହ-କଳାକାର ଅନମିତ୍ରା ବତାବ୍ୟାଲ ସହିତ କଥାବାର୍ତ୍ତା ମଧ୍ୟ ହୋଇଥିଲେ । ଏହି ଖବରକୁ ସେ ସହଜେ ବିଶ୍ୱାସ କରିପାରିନାହାନ୍ତି ବୋଲି କହିଛନ୍ତି । ପଲ୍ଲବୀଙ୍କ ଏହି ଅକାଳ ମୃତ୍ୟୁ ପାଇଁ ତାଙ୍କ ସହକର୍ମୀ ତଥା ଅନ୍ୟ କଳାକାରମାନଙ୍କୁ ଗଭୀର ଶୋକ ପ୍ରକାଶ କରଛନ୍ତି ।
