ନୂଆଦିଲ୍ଲୀ: ଦିଲ୍ଲୀର କନଟ୍ ପ୍ଲେସ୍ରେ ବିନା ଅନୁମତିରେ ପ୍ରତିବାଦ ଓ ସମାବେଶ ଉପରେ ରୋକ୍ ଲଗାଇବାକୁ ଦାବି କରି ହାଇକୋର୍ଟରେ ମାମଲା ଦାଏର ହୋଇଛି। ଏଥିସହ ଅକ୍ଟୋବର ୧୦ର ଆନ୍ଦୋଳନ ଯୋଗୁଁ ବ୍ୟବସାୟୀଙ୍କ କ୍ଷତିର ଆକଳନ ଓ କ୍ଷତିପୂରଣ ଦାବି କରାଯାଇଛି।
କନଟ୍ ପ୍ଲେସ୍ର ଏକ ରେସ୍ତୋରାଁର ଅଂଶୀଦାର ଆୟୁଷ ଚୋପ୍ରାଙ୍କ ପକ୍ଷରୁ ଏହି ଆବେଦନ କରାଯାଇଛି। ଶୁକ୍ରବାର ମାମଲାଟି ଉପସ୍ଥାପନ ହେବା ପରେ ଦିଲ୍ଲୀ ହାଇକୋର୍ଟ ଅକ୍ଟୋବର ୨୭ରେ ଶୁଣାଣି ପାଇଁ ଦିନ ଧାର୍ଯ୍ୟ କରିଛନ୍ତି।
ଆବେଦନ ଅନୁଯାୟୀ, କକ୍ରୋଚ୍ ଜନତା ପାର୍ଟି (ସିଜେପି)ର ଅକ୍ଟୋବର ୧୦ ଆନ୍ଦୋଳନ ଯୋଗୁଁ କନଟ୍ ପ୍ଲେସ୍ରେ ବ୍ୟବସାୟ ପ୍ରଭାବିତ ହୋଇଥିଲା। ବ୍ୟବସାୟୀ ସଂଗଠନଗୁଡ଼ିକର ଆକଳନ ଅନୁସାରେ, କନଟ୍ ପ୍ଲେସ୍ରେ ୧୫୦ରୁ ୨୦୦ କୋଟି ଟଙ୍କା ଏବଂ ସମଗ୍ର ଦିଲ୍ଲୀରେ ପ୍ରାୟ ୨,୦୦୦ କୋଟି ଟଙ୍କାର ବ୍ୟବସାୟ ପ୍ରଭାବିତ ହୋଇଥିଲା।
ସିଜେପି ପ୍ରତିଷ୍ଠାତା ଅଭିଜିତ ଦୀପକେ ଅକ୍ଟୋବର ୧୬ରେ ସେଣ୍ଟ୍ରାଲ୍ ପାର୍କରେ ସମାବେଶ ପାଇଁ ଆହ୍ୱାନ ଦେଇଥିବାରୁ ଏହାକୁ ନେଇ ମଧ୍ୟ ଆବେଦନରେ ଉଦ୍ବେଗ ପ୍ରକାଶ କରାଯାଇଛି।
