ନୂଆଦିଲ୍ଲୀ:ଆସାମରେ ବନ୍ୟା ସ୍ଥିତି ସାଂଘାତିକ । ଦିନକୁ ଦିନ ମୃତ୍ୟୁ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି । ବର୍ତ୍ତମାନ ମୃତ୍ୟୁସଂଖ୍ୟା ୮୦ ଟପିଲାଣି । ସୋମବାର ଦିନ ଆସାମରେ ବନ୍ୟାଜନିତ କାରଣ ପାଇଁ ଅଧିକ ୧୧ ଜଣଙ୍କ ମୃତ୍ୟୁ ହେବା ସହ ରାଜ୍ୟରେ ମୋଟ୍ ମୃତ୍ୟୁସଂଖ୍ୟା ୮୧କୁ ଟପିଯାଇଛି । ୩୨ ଜିଲ୍ଲାରେ ୪୮ ଲକ୍ଷ ଲୋକ ପ୍ରଭାବିତ ହୋଇଛନ୍ତି । ଏନ୍ଡିଆରଏଫ୍ ସମେତ ଜାତୀୟ ଏବଂ ରାଜ୍ୟ ସଂସ୍ଥା ରିଲିଫ୍ ଏବଂ ଉଦ୍ଧାର କାର୍ଯ୍ୟ ପାଇଁ ଅହରହ କାମ କରୁଛନ୍ତି।
ଗତକାଲି ୮ ଜିଲ୍ଲାରୁ ୧୧ ଜଣଙ୍କର ମୃତ୍ୟୁ ହୋଇଥିବା ବେଳେ ୫ ଜିଲ୍ଲାର ୭ ଜଣ ନିଖୋଜ ଅଛନ୍ତି । ବର୍ଷା ପାଇଁ ମହିଳା ଏବଂ ଶିଶୁଙ୍କ ସମେତ ୬୪ ଜଣଙ୍କ ମୃତ୍ୟୁ ହୋଇଥିବା ବେଳେ ଭୂସ୍ଖଳନ ଯୋଗୁଁ ୧୭ ଜଣଙ୍କ ମୃତ୍ୟୁ ହୋଇଛି। ସମସ୍ତ ପ୍ରଭାବିତ ଅଞ୍ଚଳରେ ୮୧୦ ରିଲିଫ୍ ଶିବିର ଏବଂ ୬୧୫ ରିଲିଫ୍ ବଣ୍ଟନ କେନ୍ଦ୍ର ଖୋଲା ଯାଇଛି।
