ଓଡ଼ିଶା
ଛୁଟିନେଇ ଘରକୁ ଆସିଥିଲେ ଯବାନ, ଦୁର୍ଘଟଣାରେ ଚାଲିଗଲା ଜୀବନ
ସଡ଼କ ଦୁର୍ଘଟଣାରେ ଯବାନ ମୃତ । କେନ୍ଦୁଝର ଜିଲ୍ଲା ଘଷିପୁରା ଥାନା ବେଲବାହାଳି ନିକଟରେ ଏହି ଦୁର୍ଘଟଣା ଘଟିଛି ।
ମୃତକ ରାମଚନ୍ଦ୍ରପୁର ଥାନା ବାତୋ ଗାଁର ଗୌରୀଶଙ୍କର ନାୟକ ବୋଲି ଜଣାପଡିଛି । ସେ ବିଏସ୍ଏଫ୍ରେ କାର୍ଯ୍ୟରତ ଥିବା ବେଳେ ଇଣ୍ଡିଆ ଗେଟ୍ ନିକଟରେ ନିୟୋଜିତ ଥିଲେ । ଖବର ଅନୁଯାୟୀ, ଘରକୁ ଛୁଟିରେ ଆସିଥିଲେ ଗୌରୀଶଙ୍କର । ଗୌରୀ ଶଙ୍କର ନିଜ ଛୋଟ ପୁଅକୁ ସାଙ୍ଗରେ ଧରି ସ୍କୁଟି ଯୋଗେ ଘଷିପୁରାରୁ କାମସାରି ଘରକୁ ଫେରୁଥିଲେ । ଠିକ୍ ଏହି ସମୟରେ ବେଳବାହାଳି ନିକଟରେ ସାମ୍ନାପଟୁ ଏକ ବୋଲେରୋ ପିକଅପ୍ ତାଙ୍କ ସ୍କୁଟି ଧକ୍କା ଦେଇଥିଲା । ଗୁରୁତର ଅବସ୍ତାରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ହେଲେ ପୁଅ ସାମାନ୍ୟ ଆହତ ହୋଇଛନ୍ତି । ପୋଲିସ୍ ମାମଲା ରୁଜୁ କରି ଦୁର୍ଘଟଣା ଘଟାଇଥିବା ଗାଡିର ସନ୍ଧାନ ଜାରି ରଖିଛି ।
