ଖୁବଶୀଘ୍ର ରିଲିଜ୍ ହେବାକୁ ଯାଉଛି ପ୍ରସିଦ୍ଧ ନିର୍ମାତା ସୁରଜ ବଡ଼ଜାତ୍ୟାଙ୍କ ‘ଉଞ୍ଚାଇ’ । ଫିଲ୍ମଟି ଚଳିତମାସ ୧୧ ତାରିଖରେ ରିଲିଜ୍ ହେବ । ତା’ର ପ୍ରମୋସନ ଅବସରରେ ଏକ ସାକ୍ଷାତକାରରେ ପରିଣୀତି ଫିଲ୍ମକୁ ନେଇ ନିଜର ଆଶା ବିଷୟରେ ପ୍ରକାଶ କରିଛନ୍ତି ।
ସେ କହିଛନ୍ତି, ‘ଉଞ୍ଚାଇ’ ମୋ’ ଜୀବନର ସ୍ୱତନ୍ତ୍ର ଫିଲ୍ମ ମଧ୍ୟରୁ ଅନ୍ୟତମ । ଏହା ମୋ’ର ସ୍ୱପ୍ନର ପ୍ରୋଜେକ୍ଟ । ଏଥିରେ ଫିଲ୍ମ ଇଣ୍ଡଷ୍ଟ୍ରିର ଭେଟେରାନ୍ କଳାକାରଙ୍କ ସହ କାମ କରିବାକୁ ମୋତେ ସୁଯୋଗ ମିଳିଛି । ପ୍ରତି ଦିନ ସେଟ୍କୁ ଯାଇ ଏହି ପ୍ରତିଭାବାନ୍ ଅଭିନେତା/ଅଭିନେତ୍ରୀଙ୍କଠାରୁ କିଛି ନୂଆ କଥା ଶିଖିଛି ।
ସେମାନଙ୍କର ନିଷ୍ଠା, ସମର୍ପଣ ଭାବନା, ଅଭିନୟ ପ୍ରତି ପ୍ରତିବଦ୍ଧତା ମୋତେ କେବଳ ଜଣେ ଭଲ ଅଭିନେତ୍ରୀ ନୁହେଁ, ବରଂ ଜଣେ ଭଲ ମଣିଷ ହେବାକୁ ପ୍ରେରିତ କରିଛି । ଏହି ଆଡଭେଞ୍ଚର ଡ୍ରାମା ଫିଲ୍ମ ବନ୍ଧୁତ୍ୱ ଉପରେ ପର୍ଯ୍ୟବସିତ । ସେହିପରି ସ୍ୱପ୍ନ ଦେଖିବାର କିଛି ବୟସ ନଥାଏ । ବୟସର ଯେକୌଣସି ପର୍ଯ୍ୟାୟରେ ସ୍ୱପ୍ନ ଦେଖିହେବ ଏବଂ ତାକୁ ସାକାର କରିବା ଲାଗି ନିଷ୍ଠାର ସହିତ ଉଦ୍ୟମ କରିହେବ
ପରିଣୀତିଙ୍କ ବ୍ୟତୀତ ଫିଲ୍ମରେ ବିଗ୍ ବି ଅମିତାଭ ବଚ୍ଚନ, ଅନୁପମ ଖେର୍, ବୋମନ ଇରାନୀ, ଡ୍ୟାନି, ନୀନା ଗୁପ୍ତା, ସାରିକା ଏବଂ ନଫିସା ଅଲ୍ଲୀଙ୍କ ଭଳି ଭେଟେରାନ୍ ନଜର ଆସିବେ।
