ରାମଙ୍କ ଚରିତ୍ରରେ ନଜର ଆସିଲେ ପ୍ରଭାସ । ନିର୍ଦ୍ଦେଶକ ଓମ୍ ରାଉତ୍ଙ୍କ ଆଗାମୀ ଚଳଚ୍ଚିତ୍ର ‘ଆଦିପୁରୁଷ’ରେ ପ୍ରଭାସ ରାମଙ୍କ ଚରିତ୍ରରେ ନଜର ଆସିଛନ୍ତି । ବହୁଦିନହେବ ଏହି ଫିଲ୍ମକୁ ନେଇ ଚର୍ଚ୍ଚା ହେଉଥିବାବେଳେ ରିଲିଜ୍ ଡେଟକୁ ନେଇ ଉତ୍ସାହିତ ଅଛନ୍ତି ଦର୍ଶକ ।
ସେହିପରି ପ୍ରଭାସଙ୍କ ବ୍ୟାତୀତ ଗୁରୁତ୍ତ୍ୱପୂ୍ର୍ଣ୍ଣ ଭୂମିକାରେ ଅଭିନୟ କରିଛନ୍ତି ସୈଫ ଅଲ୍ଲୀ ଖାନ, କ୍ରିତି ସାନନ ଏବଂ ସନ୍ନି ସିଂ । ତେବେ ଗୋଟିଏ ପଟେ ଫିଲ୍ମର ଟିଜର ପୋଷ୍ଟର ରିଲିଜ ହୋଇଥିବାବେଳେ ଅନ୍ୟ ପଟେ ଟିଜର କେବେ ଓ କେଉଁଠାରେ ରିଲିଜ ହେବ ସେନେଇ ସୂଚନା ମଧ୍ୟ ସାମ୍ନାକୁ ଆସିଛି।
ଆଦିପୁରୁଷ ନିର୍ଦ୍ଦେଶକ ଓମ ରାଉତ ଟ୍ୱିଟରକୁ ଯାଇ ଫିଲ୍ମର ଟିଜରର ରିଲିଜ ଘୋଷଣା କରି ଲେଖିଛନ୍ତି, ‘ଆରମ୍ଭ … ଆମର ଯାଦୁକରୀ ଯାତ୍ରା ଆରମ୍ଭର ଏକ ଅଂଶ ହୁଅ, ଉତ୍ତରପ୍ରଦେଶର ଅଯୋଧ୍ୟାରେ ସାରୁ ନଦୀ କୂଳରେ । ଫିଲ୍ମର ପ୍ରଥମ ପୋଷ୍ଟର ଏବଂ ଟିଜର ଅକ୍ଟୋବର ୨ରେ ସନ୍ଧ୍ୟା ୭.୧୧ ରେ ମୁକ୍ତିଲାଭ କରିବ।
ଏହି ଫିଲ୍ମ ୧୨ଜାନୁୟାରୀ ୨୦୨୩ରେ ରିଲିଜ୍ ହେବ। ଓମ ରାଉତ ତାଙ୍କ ଟ୍ୱିଟରେ ଫିଲ୍ମର ପାଞ୍ଚଟି ପୋଷ୍ଟର ମଧ୍ୟ ସେୟାର କରିଛନ୍ତି। ଆଦିପୁରୁଷ ଏକ ପାନ ଇଣ୍ଡିଆ ଚଳଚ୍ଚିତ୍ର ଏବଂ ହିନ୍ଦୀ ବ୍ୟତୀତ ଏହା ଦକ୍ଷିଣର କେତେକ ଭାଷାରେ ମଧ୍ୟ ରିଲିଜ ହେବ ।
