ପ୍ରଧାନମନ୍ତ୍ରୀ: ଦେଶରେ ସମସ୍ତ ନାଗରିକଙ୍କୁ ମିଳିବ କରୋନା ଭ୍ୟାକ୍ସିନ

ପ୍ରଧାନମନ୍ତ୍ରୀ କହିଛନ୍ତି ଯେ, ଏହି ସମୟରେ କରୋନା ଭ୍ୟାକ୍ସିନକୁ ନେଇ ଦେଶବ୍ୟାପୀ ଜୋରଦାର ଚର୍ଚ୍ଚା ଚାଲିଛି । ମୋଦି ଦେଶବାସୀଙ୍କୁ କହିଛନ୍ତି ଯେ, ଦେଶର ପ୍ରତ୍ୟେକଙ୍କ ପାଇଁ କରୋନା ଭ୍ୟାକ୍ସିନ ଉପଲବ୍ଧ ହେବ । କାହାକୁ ବି ଛଡା ଯିବାନାହିଁ ।ଖବରକାଗଜ ଇକୋନୋମିକ୍ ଟାଇମ୍ସକୁ ଦେଇଥିବା ଏକ ସାକ୍ଷାତକାରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, କରୋନା ମହାମାରୀ ଭିତରେ ଭାରତର ଅର୍ଥବ୍ୟବସ୍ଥାକୁ ସୁଧାରିବା ପାଇଁ ଅନେକ ପଦକ୍ଷେପ ଗ୍ରହଣ କରାଯାଇଛି । ଯାହା ଉପରେ ଦେଶର ସମସ୍ତରଙ୍କ ନଜର ରହିଛି ।

ସାରା ବିଶ୍ବର ଦେଶ ଏବେ ଭାରତୀୟ ବଜାର ଉପରେ ଭରଷା କରିବାକୁ ଲାଗିଲାଣି । ନିବେଶ ପାଇଁ ସବୁଠୁ ଉତ୍କୃଷ୍ଟ ଦେଶ ଭାବେ ଭାରତ ଅଗ୍ରଗତି କରୁଛି ।ସେ କହିଛନ୍ତି ଯେ, ଉଚିତ୍ ସମୟରେ ଲକ୍ ଡାଉନ୍ କରିବା ଦ୍ବାରା ହିଁ ଅନେକ ଜୀବନ ବଞ୍ଚାଇ ଯାଇ ପାରିଲା । ପ୍ରଧାନମନ୍ତ୍ରୀ କହିଛନ୍ତି ଯେ, ଭାରତର ଅର୍ଥବ୍ୟବସ୍ଥା ସୁଧୁରିବାକୁ ଲାଗିଛି । ୨୦୨୪ ମଧ୍ୟରେ ଦେଶ ୫ ଲକ୍ଷ କୋଟି ଡଲାରର ଅର୍ଥବ୍ୟବସ୍ଥା ଲକ୍ଷ୍ୟ ପୂରଣ କରିପାରିବ ।