ଚଣ୍ଡିଗଡ଼: ଆଜି ଦ୍ୱିତୀୟ ବିବାହ କରୁଛନ୍ତି ପଞ୍ଜାବ ମୁଖ୍ୟମନ୍ତ୍ରୀ ଭଗୱନ୍ତ ମାନ୍। ସେ ଡାକ୍ତରାଣୀ ଗୁର୍ପ୍ରୀତ କାଉରଙ୍କୁ ଦ୍ୱିତୀୟ ବିବାହ କରୁଛନ୍ତି। ମା’ ହରପାଲ କାଉର ଓ ଭଉଣୀ ମନପ୍ରୀତ୍ଙ୍କ ପସନ୍ଦ କ୍ରମେ ସେ ଗୁର୍ପ୍ରୀତଙ୍କୁ ବିବାହ କରିବାକୁ ସ୍ଥିର କରିଛନ୍ତି। ପ୍ରାୟ ଦେଢ଼ବର୍ଷ ହେବ ମାନ୍ଙ୍କ ପରିବାର ସହ ତାଙ୍କର ସମ୍ପର୍କ ଥିଲା। ତାଙ୍କ ଘର ହରିୟାଣାରେ କିନ୍ତୁ ସେ ପଞ୍ଜାବର ରାଜପୁରାଠାରେ ରହୁଛନ୍ତି। ୪୮ବର୍ଷୀୟ ଭଗୱନ୍ତ ୩୨ ବର୍ଷୀୟ ଡାକ୍ତରାଣୀ ଗୁର୍ପ୍ରୀତ କାଉରଙ୍କୁ ସେ ଦ୍ୱିତୀୟ ବିବାହ କରୁଛନ୍ତି। ସେ ପ୍ରଥମେ ଇନ୍ଦରପ୍ରୀତ୍ କାଉରଙ୍କୁ ବିବାହ କରିଥିଲେ; କିନ୍ତୁ ୨୦୧୫ ସେମାନଙ୍କର ବିଚ୍ଛେଦ ଘଟିଥିଲା। ଉଭୟଙ୍କର ଏବେ ଝିଅ ଶିରତ ୨୧ ବର୍ଷ ଓ ପୁଅ ଦିଲସାନ୍ ୧୭ ବର୍ଷ ନାମରେ ଦୁଇ ସନ୍ତାନ ମଧ୍ୟ ଅଛନ୍ତି।
