ନୂଆଦିଲ୍ଲୀ: ଦିଲ୍ଲୀର ବିବେକ ବିହାର ଅଞ୍ଚଳରେ ଘଟିଥିବା ଭୟାବହ ଅଗ୍ନିକାଣ୍ଡରେ ମୃତ୍ୟୁ ଘଟଣାକୁ ନେଇ ରକ୍ଷାମନ୍ତ୍ରୀ ରାଜନାଥ ସିଂହ ଗଭୀର ଶୋକ ପ୍ରକାଶ କରିଛନ୍ତି।
ରବିବାର ସକାଳ ପ୍ରାୟ ୪ଟା ସମୟରେ ଏକ ଚାରିମହଲା ଭବନର ଦ୍ୱିତୀୟ ମହଲା ରେ ଅଗ୍ନିକାଣ୍ଡ ଘଟିଥିଲା। ଏହି ଦୁର୍ଘଟଣାରେ ଜଣେ ଶିଶୁ ସହ ମୋଟ ୯ ଜଣଙ୍କ ମୃତ୍ୟୁ ଘଟିଥିବାବେଳେ ଅନେକେ ଆହତ ହୋଇଛନ୍ତି।
ଖବର ପାଇ ୧୪ଟି ଅଗ୍ନିଶମ ଗାଡ଼ି ଘଟଣାସ୍ଥଳକୁ ପଠାଯାଇଥିଲା ଏବଂ ପ୍ରାୟ ୬ଟା ସମୟରେ ଅଗ୍ନିକୁ ନିୟନ୍ତ୍ରଣରେ ଆଣାଯାଇଥିଲା। ଉଦ୍ଧାର କାର୍ଯ୍ୟ ସମୟରେ ୧୦ରୁ ଅଧିକ ଲୋକଙ୍କୁ ସୁରକ୍ଷିତ ଉଦ୍ଧାର କରାଯାଇଥିଲା।
ରକ୍ଷାମନ୍ତ୍ରୀ କହିଛନ୍ତି ଯେ, “ଏହି ଦୁର୍ଘଟଣାରେ ଜୀବନ ହାନି ଘଟିଥିବାରେ ମୁଁ ଗଭୀର ଦୁଃଖିତ। ଶୋକାକୁଳ ପରିବାରଙ୍କ ପ୍ରତି ମୋର ଶୋକସନ୍ତପ୍ତ ସମବେଦନା। ଆହତମାନଙ୍କ ଶୀଘ୍ର ସୁସ୍ଥତା ପାଇଁ ମୁଁ ପ୍ରାର୍ଥନା କରୁଛି।”
ପୋଲିସ ଓ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଚଲାଇଥିଲେ। ଆହତମାନଙ୍କୁ ଗୁରୁ ତେଗ ବହାଦୁର ହସ୍ପିଟାଲକୁ ଭର୍ତ୍ତି କରାଯାଇଛି।
ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନଥିବାବେଳେ ପୋଲିସ ତଦନ୍ତ ଜାରି ରଖିଛି।
