ରଣବୀର: ୨ ରୁ ୩ ବର୍ଷ ଭିତରେ ଆମର ବି ପିଲା ହେବ, ଛୁଆମାନଙ୍କ ନାଁର ସର୍ଟଲିଷ୍ଟ କରୁଛି’…

ଇଣ୍ଡଷ୍ଟ୍ରିରେ ଦୁହିଁଙ୍କୁ ପାୱାର କପଲ ଭାବେ ମଧ୍ୟ କୁହାଯାଏ। ଦୁହିଁଙ୍କ ମଧ୍ୟରେ ସମ୍ପର୍କ ଏତେ ଦୃଢ ଯେ ଦୁହେଁ ସୋସିଆଲ ମିଡିଆରେ ପରସ୍ପର ପାଇଁ କିଛି ନା କିଛି ପୋଷ୍ଟ କରିଥାନ୍ତି । ଏମାନଙ୍କ ବିବାହକୁ ଖୁବ ଶୀଘ୍ର ୩ ବର୍ଷ ପୂରିବାକୁ ଯାଉଛି । ଆଉ ନିକଟରେ ହିଁ ରଣବୀର ଫ୍ୟାମିଲି ପ୍ଲାନିଂକୁ ନେଇ ଖୋଲାଖୋଲି ଭାବେ ଆଲୋଚନା କରିଛନ୍ତି । ତେବେ ସୂଚନା ଅନୁଯାୟୀ ରଣବୀର ଖୁବ ଶୀଘ୍ର ଟେଲି ଦୁନିଆରେ ଡେବ୍ୟୁ କରିବାକୁ ଯାଉଛନ୍ତି । ତେବେ ଗେମ ଶୋ “ଦ ବିଗ ପିକ୍ଚର”ରେ ନଜର ଆସିବାକୁ ଯାଉଛନ୍ତି ରଣବୀର । କଲର୍ସ ଚ୍ୟାନେଲରେ ଅକ୍ଟୋବର ୧୬ ତାରିଖରୁ ରାତି ୮ ଟାରେ ଆରମ୍ଭ ହେବାକୁ ଯାଉଛି ଏହି ଶୋ । ଏଥିରେ ଜଣେ ପ୍ରତିଯୋଗୀଙ୍କ ସହ କଥା ହେଉଥିବା ସମୟରେ ରଣବୀର ଖୋଲାଖୋଲି ଭାବରେ ଫ୍ୟାମିଲି ପ୍ଲାନିଂକୁ ନେଇ କିଛି କହିଥିଲେ । ଯାହା ଏବେ ଫ୍ୟାନ୍ସ ମାନଙ୍କ ମଧ୍ୟରେ ଗସିପ୍‌ ଆରମ୍ଭ ହୋଇଗଲାଣି । ସେ ଏହା ମଧ୍ୟ କହିଥିଲେକି ଆସନ୍ତା ୨ ରୁ ୩ ବର୍ଷ ଭିତରେ ଆମର ବି ପିଲା ଛୁଆ ହେବେ ।

ଆଉ ଏହା ମଧ୍ୟ କହିଥିଲେକି ଆପଣଙ୍କ ଭାଉଜ ଛୁଆ ବେଳେ ବହୁତ କ୍ୟୁଟ ବେବି ଦେଖା ଯାଉଥିଲେ । ମୋତେ ଏମିତି ବି ଗୋଟେ ଠିକ୍‌ ସେହି ପରି ବେବି ଦରକାର । ବର୍ତ୍ତମାନ ଛୁଆମାନଙ୍କ ନାଁ ସର୍ଟଲିଷ୍ଟ କରୁଥିବା କଥା ବି ରଣବୀର କହିଛନ୍ତି । ଆଉ ସେ କହିଛନ୍ତିକି ମୁଁ ଭାବୁଛି ମୋ ପୁଅ ନାଁ ସୂର୍ଯ୍ୟବିର ସିଂ ରଖିବି । ଦୀପିକା ଓ ରଣବୀର ଅଧିକାଂଶ ସମୟରେ ସୋସିଆଲ ମିଡିଆରେ ପରସ୍ପର ସହିତ କଥା ହେଉଥିବାର ମଧ୍ୟ ଦେଖାଯାଇଛି । ଶୋ’ରେ ରଣବୀର ଏହା ମଧ୍ୟ କହିଥିଲେକି ଟିଭି ଶୋ’ରେ ଡେବ୍ୟୁ କରିବା ପାଇଁ ଦୀପିକା ହିଁ ତାଙ୍କୁ ପ୍ରୋତ୍ସାହିତ କରିଥିଲେ ।