ଖୁବଶୀଘ୍ର ବଲିଉଡରେ ଏଣ୍ଟ୍ରି କରିପାରନ୍ତି ସାମନ୍ଥା । ଚଳଚ୍ଚିତ୍ର ନିର୍ମାତା ଦୀନେଶ ଭାଇ ଆୟୁଷ୍ମାନ ଖୁରାନାଙ୍କ ସହ ପରବର୍ତ୍ତୀ ପ୍ରଡକ୍ସନ୍ ପାଇଁ ସାମନ୍ଥା ନିକଟକୁ ଯାଇଥିଲେ। ଏକ ହରର-କମେଡି ଫିଲ୍ମ ପାଇଁ ଆଲୋଚନା କରାଯାଇଥିଲାବେଳେ ଅଭିନେତ୍ରୀ ସାମନ୍ଥା ଏହି ପ୍ରୋଜେକ୍ଟରେ ସାଇନ୍ କରିଛନ୍ତି ବୋଲି ଚର୍ଚ୍ଚା ହେଉଛି ।
ଏହି ଫିଲ୍ମରେ ସାମନ୍ଥା ରାଜକୁମାରୀ ଭୂମିକାରେ ଅଭିନୟ କରୁଥିବାବେଳେ ଆୟୁଷ୍ମାନ ଖୁରାନା ଭାମ୍ପାୟାର ଭୂମିକାରେ ନଜର ଆସିବେ। ଅମର କୌଶିକ ଚଳଚ୍ଚିତ୍ରର ନିର୍ଦ୍ଦେଶନା ଦେଉଥିବା ବେଳେ ନିରେନ ଭଟ୍ଟ ସ୍କ୍ରିପ୍ଟ ଲେଖିଛନ୍ତି। ସବୁଠାରୁ ବଡ କଥା ହେଲା ସାମନ୍ଥା ଏବଂ ଆୟୁଷ୍ମାନଙ୍କୁ ବଡ଼ ପରଦାରେ ଏକାଠି ଦେଖିବା । ଏହି ଚଳଚ୍ଚିତ୍ରରେ ଅଭିନେତାମାନେ ହରର କମେଡି ଜଗତକୁ ପରବର୍ତ୍ତୀ ସ୍ତରକୁ ନେଇଯିବେ। ଏହା ସାମନ୍ଥାଙ୍କ ପ୍ରଥମ ବଲିଉଡ ଫିଲ୍ମ ହେବ। ଏହା ଆସନ୍ତା ବର୍ଷ ଆରମ୍ଭରେ ଫିଲ୍ମର ସୁଟିଂ ଆରମ୍ଭ ହେବ ବୋଲି ଆଲୋଚନା ହେଉଛି।
