ନୂଆଦିଲ୍ଲୀ: ରାଜଧାନୀରେ ଜଣେ ଆଇଆରଏସ ଅଧିକାରୀଙ୍କ ୨୧ ବର୍ଷୀୟା ଝିଅଙ୍କୁ ଘରଭିତରେ ହତ୍ୟା କରାଯାଇଥିବା ଘଟଣା ଚାଞ୍ଚଲ୍ୟ ସୃଷ୍ଟି କରିଛି। ଘଟଣା ଅମର କଲୋନୀ ଅଞ୍ଚଳରେ ଘଟିଛି।
ପୋଲିସ ଅନୁସାରେ, ଯୁବତୀଙ୍କୁ ମୋବାଇଲ ଚାର୍ଜର ତାରରେ ତଣ୍ଟି ଚିପି ହତ୍ୟା କରାଯାଇଥିବା ସନ୍ଦେହ କରାଯାଉଛି। ପ୍ରାରମ୍ଭିକ ତଦନ୍ତରେ ହତ୍ୟା ପୂର୍ବରୁ ଦୁଷ୍କର୍ମ ଘଟିଥିବା ଆଶଙ୍କା ମଧ୍ୟ ଉଠିଛି।
ଘଟଣା ସମୟରେ ଯୁବତୀ ଘରେ ଏକାକୀ ଥିବା ଜଣାପଡିଛି। ପରିବାର ଲୋକେ ଘରଭିତରେ ତାଙ୍କ ମୃତଦେହ ଦେଖି ପୋଲିସକୁ ସୂଚନା ଦେଇଥିଲେ।
ପ୍ରାରମ୍ଭିକ ତଦନ୍ତରେ ପୂର୍ବତନ ଘରୋଇ ସହାୟକ ଉପରେ ସନ୍ଦେହ କରାଯାଉଛି। ସେ ଏକ ମାସ ପୂର୍ବରୁ କାମରୁ ବର୍ଖାସ୍ତ ହୋଇଥିବା ଓ ବର୍ତ୍ତମାନ ଫେରାର ଥିବା ସୂଚନା ମିଳିଛି।
ପୋଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ଏବଂ ଅଭିଯୁକ୍ତଙ୍କୁ ଧରିବା ପାଇଁ ଅନେକ ଟିମ୍ ଗଠନ କରାଯାଇଛି।
