ପାକିସ୍ତାନର କରାଚି ବିଶ୍ୱବିଦ୍ୟାଳୟରେ ଭୟଙ୍କର ବିସ୍ପୋରଣ

କରାଚି: ପାକିସ୍ତାନର କରାଚି ବିଶ୍ୱବିଦ୍ୟାଳୟ ପରିସରରେ ଏକ ବଡଧରଣର ବିସ୍ଫୋରଣ ହୋଇଛି। ଏହି ଦୁର୍ଘଟଣାରେ ୩ଜଣ ଚାଇନା ନାଗରିକଙ୍କ ସମେତ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ଅନେକ ଲୋକ ଆହତ ହୋଇଛନ୍ତି। ଆହତଙ୍କ ମଧ୍ୟରେ ଶିକ୍ଷାର୍ଥୀ ଓ ସିକ୍ୟୁରିଟି ଗାର୍ଡ ମଧ୍ୟ ରହିଛନ୍ତି। ଘଟଣା ପରେ ପୂରା ଅଞ୍ଚଳରେ କୋକୁଆ ଭୟ ସୃଷ୍ଟି ହୋଇଛି। ସୁରକ୍ଷାକର୍ମୀମାନେ ଘଟଣାସ୍ଥଳକୁ ଘେରି ଯାଇ ସର୍ଚ୍ଚ ଅପରେସନ କରୁଛନ୍ତି। ଦମକଳ ବାହିନୀ ପହଞ୍ଚି ବିସ୍ଫୋରଣ ଯୋଗୁ ଘଟିଥିବା ଅଗ୍ନିକାଣ୍ଡକୁ ଲିଭାଇବାକୁ ପ୍ରୟାସ ଜାରି ରଖିଛନ୍ତି। ପୁଲିସ୍‌ କହିବା ଅନୁସାରେ ପ୍ରାଣ ହରାଇଥିବା ୩ ଚାଇନିଜ୍‌ଙ୍କ ମଧ୍ୟରେ ୨ ଜଣ ମହିଳା ଓ ଜଣେ ପୁରୁଷ ରହିଛନ୍ତି। ପ୍ରଥମେ ଗ୍ୟାସ ସିଲିଣ୍ଡର ଯୋଗୁ ବିସ୍ଫୋରଣ ହୋଇଛି ବୋଲି ଆଶଙ୍କା କରାଯାଉଥିଲା । ୨ ଜଣ ବିଦେଶୀ ସେମାନଙ୍କ ଗେଷ୍ଟ ହାଉସରୁ ନିଜ ବିଭାଗକୁ ଯାଉଥିବା ବେଳେ ହିଁ ବିସ୍ଫୋରଣ ଘଟିଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି।