ହେମନ୍ତ ସୋରେନ୍ ନିର୍ବାଚନ ପ୍ରଚାର ପାଇଁ ଦାୟର କରିଥିବା ପିଟିସନ ଉପରେ ଜରୁରୀ ପାଇଁ ମନା କଲେ ସୁପ୍ରିମକୋର୍ଟ

ନୂଆଦିଲ୍ଲୀ- ମନି ଲଣ୍ଡରିଂ ମାମଲାରେ ଗିରଫ ହୋଇଥିବା ଝାଡ଼ଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ହେମନ୍ତ ସୋରେନ୍ ନିର୍ବାଚନ ପ୍ରଚାର ପାଇଁ ସୁପ୍ରିମକୋର୍ଟରୁ ଅନ୍ତରୀଣ ଜାମିନ ମାଗିଛନ୍ତି । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କୁ ଯେପରି ଅନ୍ତରୀଣ ଜାମିନ ଦିଆଯାଇଛି ସେପରି ଜାମିନ ଦେବାକୁ ସେ ନିଜ ଓକିଲ କପିଲ ସିବଲଙ୍କ ମାଧ୍ୟମରେ ଆବେଦନ କରିଛନ୍ତି । କିନ୍ତୁ କୋର୍ଟ ଏହି ଆବେଦନକୁ ତୁରନ୍ତ ଶୁଣାଣି ପାଇଁ ମନା କରିବା ସହ ଏହା ଉପରେ ଅଦାଲତ ମେ ୨୦ ସୁଦ୍ଧା ଇଡିକୁ ଜବାବ ମାଗିଛନ୍ତି ଏବଂ ଏହି ମାମଲାକୁ ମେ ୨୧ ରେ ଅବକାଶକାଳୀନ ଖଣ୍ଡପୀଠରେ ତାଲିକାଭୁକ୍ତ କରିଛନ୍ତି।