ଅଗ୍ନିକାଣ୍ଡରେ ଜଳିଗଲା ଦୁଇ ବଖରା ସହ ଗୁହାଳ । ଏଭଳି ଭୟଙ୍କର ଅଗ୍ନିକାଣ୍ଡ ଘଟିଛି ଗଞ୍ଜାମ ଜିଲ୍ଲା ବୁଗୁଡ଼ା ବ୍ଲକ କରଚୁଲି ପଞ୍ଚାୟତ ଡ଼େଙ୍ଗାବାଡ଼ି ଗ୍ରାମରେ । ଫଳରେ ଗୁହାଳରେ ଥିବା ୩ଟି ଗାଈ ଆହତ ହୋଇଛନ୍ତି।
ସୂଚନା ଅନୁଯାୟୀ,ଡ଼େଙ୍ଗାବାଡ଼ି ଗ୍ରାମର ସୁଶାନ୍ତ ପ୍ରଧାନ ଓ ନାରାୟଣ ପ୍ରଧାନଙ୍କ ଗୋଟିଏ ଲେଖାଏ ବଖରା ପୋଡ଼ିଯିବା ସହ ଲକ୍ଷାଧିକ ଟଙ୍କାର ଜିନିଷ ମଧ୍ୟ ଭସ୍ମୀଭୂତ ହୋଇଯାଇଛି। ସେହିପରି ଟୁନା ସେନାପତି ଓ ବିଦ୍ୟାଧର ସେନାପତିଙ୍କ ଗୁହାଳ ସମ୍ପୂର୍ଣ୍ଣ ପୋଡ଼ିଯାଇଛି। ୨ ଜଣଙ୍କ ଗୁହାଳରେ ବନ୍ଧାଯାଇଥିବା ୩ ଗାଈ ପୋଡ଼ି ହୋଇଛନ୍ତି।
ଖବର ପାଇ ଘଟଣାସ୍ଥଳରେ ବୁଗୁଡ଼ା ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ।
