ଗତ ୨୪ ଘଣ୍ଟାରେ ଦେଶରେ ଚିହ୍ନଟ ହୋଇଛନ୍ତି ୭,୫୭୯ ଜଣ କରୋନା ଆକ୍ରାନ୍ତ । ଯାହା ଗତ ୫୪୩ ଦିନ ପରେ ଦେଶରେ ଚିହ୍ନଟ ହୋଇଥିବା ସବୁଠୁ କମ ଆକ୍ରାନ୍ତ । ସେହିଭଳି ଗତ ୨୪ ଘଣ୍ଟାରେ ୨୩୬ ଜଣ ଆକ୍ରାନ୍ତଙ୍କ ପ୍ରାଣହାନୀ ଘଟିଛି । ଏହା ସହିତ ଦେଶରେ କରୋନାର ମୋଟ ମାମଲା ୩ କୋଟି ୪୫ ଲକ୍ଷ ୨୬ ହଜାର ୪୮୦ ରେ ପହଞ୍ଚିଛି ।
ତେବେ ଦେଶରେ କରୋନା ଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୬୬ ହଜାର ୧୪୭ ରେ ପହଞ୍ଚିଛି । ଦେଶରେ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୩ କୋଟି ୩୯ ଲକ୍ଷ ୪୬ ହଜାର ୭୪୯ ରେ ପହଁଞ୍ଚିଛି । ସେହିପରି ଦେଶରେ କରୋନାରୁ ୧ ଲକ୍ଷ ୧୩ ହଜାର ୫୮୪ ଆକ୍ଟିଭ୍ କେସ୍ ରହିଛି ।
