ପୁଣି ଚିଲିକା ବିଧାୟକଙ୍କ ଜାମିନ ଆବେଦନ ଖାରଜ କଲେ ବାଣପୁର କୋର୍ଟ

ବିଧାୟକଙ୍କ ପକ୍ଷରୁ ବରିଷ୍ଠ ଆଇନଜୀବୀ ଅରୂପ ଚାନ୍ଦ ଉକ୍ତ ମାମଲା ପରିଚାଳନା କରୁଥିବା ବେଳେ ସରକାରଙ୍କ ପକ୍ଷରୁ ବରିଷ୍ଠ ଆଇନଜୀବୀ ସଚିତ ମିଶ୍ର ଏବଂ ରମେଶ ଚନ୍ଦ୍ର ବିଷୋୟୀ ପରିଚାଳନା କରୁଛନ୍ତି । ପୂର୍ବରୁ ଗତ ୨୨ ତାରିଖରେ ଜେଏମଏଫସି କୋର୍ଟରେ ମଧ୍ୟ ଜାମିନ ଆବେଦନ କରାଯାଇଥିବା ବେଳେ ତାହା ମଧ୍ୟ ଖାରଜ ହୋଇଥିଲା । ଜାମିନ ଆବେଦନ ଖାରଜ ହେଲା ପରେ ବିଧାୟକ ବର୍ତ୍ତମାନ ବାଣପୁର ସବଜେଲରେ ଅଛନ୍ତି ।

ସୂଚନା ଯୋଗ୍ୟ ଯେ,  ଲୋକଙ୍କ ଉପରକୁ ଗାଡ଼ି ଚଢ଼ାଇବା ମାମଲାରେ ବିଧାୟକଙ୍କୁ ଗିରଫ କରିଥିଲା ବାଣପୁର ପୋଲିସ । ଜେଲରେ ଥିବା ସମୟରେ ପ୍ରଶାନ୍ତ ପୁଣି ଅସୁସ୍ଥ ହେବାରୁ ତାଙ୍କ ଚିକିତ୍ସା ଚାଲିଛି । ଚିକିତ୍ସାଧିନ ଥିବା ବିଧାୟକ ସୁସ୍ଥ ହେବା ପରେ ପୁଣି ବାଣପୁର ଉପକାରାଗାରକୁ ଫେରିବେ ବୋଲି ଜଣାପଡିଛି। ତେବେ ବିଧାୟକଙ୍କୁ ଆକ୍ରମଣ ଘଟଣାରେ ୯ ଜଣଙ୍କୁ ପୁଲିସ ଗିରଫ କରିଥିବା ବେଳେ ଜାମିନ ଖାରଜ ହେବାରୁ ସେମାନଙ୍କୁ ମଧ୍ୟ ବାଣପୁର ଉପ କାରାଗାରକୁ ପଠାଇ ଦିଆଯାଇଥିବା ସୂଚନା ମିଳିଛି ।