ପୁରୀ: ଛାତ୍ର କଂଗ୍ରେସ ପକ୍ଷରୁ ପୁରୀରେ ମତ୍ସ୍ୟ ଓ ପଶୁ ସମ୍ପଦ ମନ୍ତ୍ରୀ ସଞ୍ଜୀବ କୁମାର ବଲିୟାନଙ୍କ ଗାଡି ଉପରକୁ କାଳି ମାଡ କରାଯାଇଛି । ଦରଦାମ ବୃଦ୍ଧି, ଛାତ୍ର ଓ ଯୁବ ମରଣା ନୀତିକୁ ବିରୋଧ କରି ଛାତ୍ର କଂଗ୍ରେସ ପକ୍ଷରୁ ମନ୍ତ୍ରୀଙ୍କ ଗାଡି ଉପରକୁ କାଳିମାଡ଼ କରାଯାଇଛି । ଛାତ୍ର କଂଗ୍ରେସ ପୁରୀ ଜିଲ୍ଲା ସଭାପତି ଆଶୁତୋଷ ମିଶ୍ରଙ୍କ ନେତୃତ୍ୱରେ କାଳିମାଡ଼ କରାଯିବା ସହ କେନ୍ଦ୍ରର ଗରିବ ମାରଣା ନୀତି ଓ ଦରଦାମ ବୃଦ୍ଧି ବିରୋଧରେ ସ୍ଲୋଗାନ ଦିଆଯାଇଛି । ପୂର୍ବରୁ ମଧ୍ୟ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କ ଗାଡି ଉପରକୁ ବି କାଳିମାଡ଼ କରିଥିଲେ ଛାତ୍ର କଂଗ୍ରେସ । ଦରଦାମ ବୃଦ୍ଧି ପ୍ରତିବାଦକୁ ନେଇ ଏହି ଆକ୍ରମଣ କରିଥିଲେ ଛାତ୍ର କଂଗ୍ରେସ । ଯେଉଁ ଦିନ ଯାଏଁ ଦରଦାମ ହ୍ରାସ ନ ପାଇଛି ସେଦିନ ଯାଏଁ ବିଜେପିର କେନ୍ଦ୍ରୀୟ ନେତାଙ୍କୁ ଓଡ଼ିଶାରେ ଚଲାଇ ଦିଆଯିବ ନାହିଁ ବୋଲି କହିଛନ୍ତି ରାଜ୍ୟ ଛାତ୍ର କଂଗ୍ରେସ ସଭାପତି ୟାସୀର ନୱାଜ ।
