ବ୍ୟାଙ୍କ୍‌ରୁ ମିଳୁନି ଟଙ୍କା, ଏସ୍‌ବିଆଇ ଶାଖାରେ ତାଲା ପକାଇଲେ ଉପଭୋକ୍ତା

ଆଉ ଦିନକ ପରେ ରଥଯାତ୍ରା । ନୂଆଖାଇ ଭଳି ରଥଯାତ୍ରାରେ ମଧ୍ୟ ନୂଆ ଜାମା କିଣି ଆନନ୍ଦ ଉଲ୍ଲାସର ସହ ଲୋକେ ରଥଯାତ୍ରାଟିକୁ ପାଳନ କରିଥାନ୍ତି । ଲୋକେ କଷ୍ଟ ଉପାର୍ଜିତ ଟଙ୍କାକୁ ଅଧିକ ଖର୍ଚ୍ଚ ଏବଂ ଚୋର ଭୟରେ ବ୍ୟାଙ୍କରେ ଗଚ୍ଛିତ ରଖିଥିବା ବେଳେ ଦରକାର ବେଳକୁ ବ୍ୟାଙ୍କ କର୍ମଚାରୀ ଟଙ୍କା ନଥିବା କହୁଛନ୍ତି ।

ଏପଟେ ଏଟିଏମରେ ମଧ୍ୟ ଟଙ୍କା ଭର୍ତ୍ତି କରୁନାହାନ୍ତି । କୋମନାଠାରେ କ୍ୟାସ ଡିପୋଜିଟ ମେସିନ ଲାଗିଥିବା ବେଳେ କେହି ଡିପୋଜିଟ କଲେ ଟଙ୍କା ଉଠାଣ ହୋଇ ପାରିବ ବୋଲି ପ୍ରତି ଉତ୍ତର ରଖୁଥିବା କହୁଛନ୍ତି ଉପଭୋକ୍ତା । ଯେଉଁଥି ପାଇଁ ବୁଧବାର ଦିନ ଗୋଟାଏରୁ କୋମନା ଷ୍ଟେଟ୍ ବ୍ୟାଙ୍କ ଶାଖାକୁ ଉପଭୋକ୍ତାମାନେ ତାଲା ବନ୍ଦ କରି ରଖିଛନ୍ତି ।