ନୂଆଦିଲ୍ଲୀ: ଅବୈଧ ବୈବାହିକ ସମ୍ପର୍କରୁ ଜାତ ସନ୍ତାନମାନେ ପୈତୃକ (ପ୍ୟାରେଣ୍ଟ) ସମ୍ପତ୍ତି ଉପରେ ଅଧିକାର ସାବ୍ୟସ୍ତ କରିପାରିବେ। ହିନ୍ଦୁ ବିବାହ ଆଇନ ଅନୁସାରେ ଏହି ସନ୍ତାନମାନେ ପୈତୃକ ସମ୍ପତ୍ତିରୁ ଭାଗ ପାଇପାରିବେ ବୋଲି ରାୟ ଶୁଣାଇଛନ୍ତି ସର୍ବୋଚ୍ଚ ନ୍ୟାୟାଳୟ। ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୂଡ଼, ବିଚାରପତି ଜେ.ପି ପାର୍ଡିୱାଲା ଓ ବିଚାରପତି ମନୋଜ ମିଶ୍ରଙ୍କୁ ନେଇ ଗଠିତ ପୀଠ ରାୟ ଶୁଣାଇ କହିଛନ୍ତି ଯେ ପାରିବାରିକ ସମ୍ପତ୍ତିର ଭାଗବଣ୍ଟାରୁ ନିଜର ଅଂଶ ପାଇଥିବା ଜଣେ ସଦସ୍ୟଙ୍କ ମୃତ୍ୟୁ ପରେ ହିନ୍ଦୁ ବିବାହ ଆଇନର ଧାରା ୧୬ ଆଧାରରେ ତାଙ୍କ ବୈଧ ସନ୍ତାନଙ୍କୁ ଉତ୍ତରାଧିକାରୀ ସୂତ୍ରରେ ମିଳିଥିବା ସମ୍ପତ୍ତିର ଅଂଶ ଅବୈଧ ସମ୍ପର୍କରୁ ଜାତ ସନ୍ତାନ ପାଇଁ ମଧ୍ୟ ଧାର୍ଯ୍ୟ ହେବ। ପୂର୍ବରୁ ୨୦୧୧ରେ ସର୍ବୋଚ୍ଚ ନ୍ୟାୟାଳୟ ଦେଇଥିବା ରାୟକୁ ପୀଠ ଅଗ୍ରାହ୍ୟ କରିଥିଲେ।
