ଭବାନୀପାଟଣା- ଭବାନୀପାଟଣାରେ ଆଜି ଅନୁଷ୍ଠିତ ହୋଇଛି ମା ମାଣିକେଶ୍ଵରୀଙ୍କ ଛତର ଯାତ୍ରା । ପ୍ରଶାସନର ବାରଣ ସତ୍ବେ ଏଥର ମଧ୍ୟ ଏଠାରେ ଶହ ଶହ ସଂଖ୍ୟାରେ ପଶୁପକ୍ଷୀଙ୍କୁ ବଳୀ ଦିଆଯାଇଛି ।
ରୀତିନୀତି ମୁତାବକ ଗତକାଲି ବିଳମ୍ବିତ ରାତିରେ ଜେନାଖାଲକୁ ମା ଙ୍କ ଛତର ଯାତ୍ରା ବାହାରିଥିଲା । ସେଠାରେ ଗୁପ୍ତ ପୂଜା ପରେ ଆଜି ମା ଙ୍କ ଛତର ଯାତ୍ରା ମନ୍ଦିରକୁ ପ୍ରତ୍ୟାବର୍ତନ କରିଛି । ଏହି ଛତର ଯାତ୍ରାରେ ହଜାର ହଜାର ସଂଖ୍ୟାରେ ଶ୍ରଦ୍ଧାଳୁ ସାମିଲ୍ ହୋଇଥିଲେ । ଅନ୍ୟପକ୍ଷରେ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ୧୨ ପ୍ଲାଟୁନ୍ ଫୋର୍ସ ମୁତୟନ କରାଯାଇଥିଲା । ଆଜି ମହାନବମୀରେ ମାଣିକେଶ୍ଵରୀ ମନ୍ଦିରରେ ରୀତିନୀତି ମୁତାବକ ମାଙ୍କ ପୂଜାର୍ଚ୍ଚନା ଚାଲିଛି ।
