ରାୟପୁର- ଛତିଶଗଡର କିଏ ହେବ ମୁଖ୍ୟମନ୍ତ୍ରୀ, ତାକୁ ନେଇ ଲାଗିରହିଥିବା କଳ୍ପନା ଜଳ୍ପନାର ଆଜି ଅନ୍ତ ଘଟିବ । ଆଜି ମଧ୍ୟାହ୍ନର ଦଳର ତିନି ଜଣ ପର୍ଯ୍ୟବେକ୍ଷକଙ୍କ ନେତୃତ୍ୱରେ ଛତିଶଗଡର ନବନିର୍ବାଚିତ 54ଜଣ ବିଧାୟକଙ୍କୁ ନେଇ ବୈଠକ ବସିବ । ବୈଠକରେ ଛତିଶଗଡର କିଏ ମୁଖ୍ୟମନ୍ତ୍ରୀ ହେବ ସେ ନେଇ ନିଷ୍ପତ୍ତି ନିଆଯିବ ।
ବିଧାନସଭା ନିର୍ବାଚନ ପୂର୍ବରୁ ବିଜେପି ନିଜର ମୁଖ୍ୟମନ୍ତ୍ରୀ ପ୍ରାର୍ଥୀ ଘୋଷଣା କରିନଥିଲା । ଦଳର ତିନିଜଣ ପର୍ଯ୍ୟବେକ୍ଷକ କେନ୍ଦ୍ର ମନ୍ତ୍ରୀ ଅର୍ଜୁନ ମୁଣ୍ଡା, ସର୍ବାନନ୍ଦ ସୋନେୱାଲ ତଥା ପାର୍ଟିର ମହାସଚିବ ଦୁଷ୍ୟନ୍ତ କୁମାର ଗୌତମ ଏହି ବୈଠକରେ ଉପସ୍ଥିତ ରହିବେ ।
ଛତିଶଗଡ ପ୍ରଭାରୀ ଓମ୍ ମାଥୁର, କେନ୍ଦ୍ର ମନ୍ତ୍ରୀ ମନସୁଖ ମାଣ୍ଡଭ୍ୟ ପ୍ରମୁଖ ସାମିଲ ରହିବେ ।
