ମୁମ୍ବାଇ, 13 ଡିସେମ୍ବର -ମୁମ୍ବାଇର ଲୋକମାନ୍ୟ ତିଲକ ଟର୍ମିନସ ଷ୍ଟେସନରେ ବୁଧବାର ଦ୍ୱିପ୍ରହରରେ ହଠାତ୍ ନିଆଁ ଲାଗିବା ଯୋଗୁ ଯାତ୍ରୀମାନେ ଭୟଭୀତ ହୋଇପଡିଛନ୍ତି । ଖବର ପାଇବା ମାତ୍ରେ ଅଗ୍ନିଶମ ବାହିନୀର 2ଟି ଗାଡି ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା କାମରେ ଲାଗିପଡିଛନ୍ତି । ରେଲୱେ ପ୍ରଶାସନ ପକ୍ଷରୁ ଟର୍ମିନସର ପ୍ଲାଟଫର୍ମରୁ ଗୋଟିଏ ଓଭରହେଡ ୱାୟରର ବିଦ୍ୟୁତ କାଟିଦିଆଯାଇଛି । ଏହି ଘଟଣାରେ କେହି ମୃତାହତ ହୋଇନାହାନ୍ତି ।
ସୂଚନା ମୁତାବକ, ଏଲଟିଟିର ପ୍ଲାଟଫର୍ମ-1ରେ ଥିବା କ୍ୟାଣ୍ଟିନରେ ହଠାତ୍ ନିଆଁ ଲାଗିଯାଇଥିଲା । ଧୀରେ ଧୀରେ ଏହି ନିଆଁ ପୂରା ପ୍ଲାଟଫର୍ମକୁ ବ୍ୟାପିଯାଇଥିଲା । ବୁକିଂ ଅଫିସ, ସଂରକ୍ଷଣ କେନ୍ଦ୍ରକୁ ନିଆଁ ବ୍ୟାପିଯାଇଥିଲା । ରେଲୱେ ପୋଲିସ ତୁରନ୍ତ ଯାତ୍ରୀଙ୍କୁ ସୁରକ୍ଷିତ ବାହାରକୁ ବାହାର କରିଥିଲେ ।
