ନୂଆଦିଲ୍ଲୀ, 15 ଡିସେମ୍ବର – ସଂସଦର ସୁରକ୍ଷାରେ ତ୍ରୁଟି ଘଟଣାରେ ମୁଖ୍ୟ ଷଡଯନ୍ତ୍ରକାରୀ ଲଳିତ ଝାକୁ ଗିରଫ କରିଛି ଦିଲ୍ଲୀ ପୋଲିସ । ବିଜେପି ଆଇଟି ସେଲର ମୁଖ୍ୟ ଅମିତ ମାଲଭୀୟ ଏନେଇ ସୂଚନା ଦେଇଛନ୍ତି ।
ଦିଲ୍ଲୀ ପୋଲିସ ପକ୍ଷରୁ କୁହାଯାଇଛି ଯେ, ଲଳିତ ଝା ଗୁରୁବାର ରାତିରେ ଆତ୍ମସମର୍ପଣ କରିଛି । ତାକୁ ପଚରାଉଚରା କରାଯାଇଛି । ଲଳିତର ତଲାସୀରେ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଇଥିଲା । ଏହି ଘଟଣାରେ ପୋଲିସ ଆଉ କିଛି ଅଭିଯୁକ୍ତଙ୍କୁ ଗିରଫ କରିଛି ।
ଅଭିଯୁକ୍ତଙ୍କ ବିରୁଦ୍ଧରେ ଭାରତୀୟ ଦଣ୍ଡ ସଂହିତା ଓ ବେଆଇନ ଗତିବିଧି ଅଧିନିୟମର ବିଭିନ୍ନ ଧାରା ଆଧାରରେ ମାମଲା ରୁଜୁ କରାଯାଇଛି ।
