ଉପରାଷ୍ଟ୍ରପତିଙ୍କ ମିମିକ୍ରି ଘଟଣା, ଧନଖଡଙ୍କୁ ଫୋନ କରି ଦୁଃଖ ପ୍ରକାଶ କଲେ ପିଏମ ମୋଦି

ନୂଆଦିଲ୍ଲୀ, 20 ଡିସେମ୍ବର – ମଙ୍ଗଳବାର ସଂସଦ ଭବନ ପରିସରରେ ତୃଣମୂଳ କଂଗ୍ରେସ ସାଂସଦ କଲ୍ୟାଣ ବାନାର୍ଜୀ ଉପରାଷ୍ଟ୍ରପତି ତଥା ରାଜ୍ୟସଭା ସଭାପତି ଜଗଦୀପ ଧନଖଡଙ୍କ ମିମିକ୍ରି କରିବା ଘଟଣା ପରେ ଉପରାଷ୍ଟ୍ରପତିଙ୍କ ସହ ଫୋନ ଯୋଗେ କଥା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏନେଇ ଟ୍ୱିଟ ଯୋଗେ ସୂଚନା ଦେଇଛନ୍ତି ଉପରାଷ୍ଟ୍ରପତି । ସେ କହିଛନ୍ତି ଯେ, ଘଟଣା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କୁ ଟେଲିଫୋନ୍ କରିଥିଲେ।
ଗତକାଲି ସଂସଦ ପରିସର ମଧ୍ୟରେ କିଛି ସାଂସଦଙ୍କ ଘୃଣ୍ୟ ବ୍ୟବହାର ନେଇ ସେ ଗଭୀର ଦୁଃଖ ପ୍ରକାଶ କରିଥିଲେ। ସେ ମୋତେ କହିଥିଲେ ଯେ ଗତ କୋଡିଏ ବର୍ଷ ଧରି ସେ ଏପରି ଅପମାନ ସହ୍ୟ କରିଆସୁଛନ୍ତି, କିନ୍ତୁ ଭାରତର ଉପରାଷ୍ଟ୍ରପତିଙ୍କ ପରି ସାମ୍ବିଧାନିକ ପଦବୀ ଏବଂ ସଂସଦରେ ମଧ୍ୟ ଏହା ଘଟିବା ଦୁର୍ଭାଗ୍ୟଜନକ।
ମୋର ପ୍ରଧାନମନ୍ତ୍ରୀଙ୍କୁ ଉତ୍ତର ଥିଲା ପ୍ରଧାନମନ୍ତ୍ରୀ, ଅଳ୍ପ କେତେଜଣଙ୍କର ବ୍ୟବହାର ମୋତେ ମୋର କର୍ତ୍ତବ୍ୟ ପାଳନ କରିବାରେ ଅଟକାଇ ପାରିବ ନାହିଁ। ଆମ ସମ୍ବିଧାନରେ ଦର୍ଶାଯାଇଥିବା ନୀତିଗୁଡିକ ପାଳନ କରିବାରେ ବାରଣ କରି ମଧ୍ୟ ପାରିବ ନାହିଁ । ମୁଁ ମୋର ହୃଦୟରୁ ସେହି ମୂଲ୍ୟବୋଧ ପାଇଁ ପ୍ରତିବଦ୍ଧ। ଅପମାନ ମୋ ପଥ ବଦଳାଇବ ନାହିଁ ।