ରାଂଚି- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଝାରଖଣ୍ଡକୁ ଆଉ ଏକ ବନ୍ଦେ ଭାରତ ଏକ୍ସପ୍ରେସ ଟ୍ରେନ ଭେଟି ଦେବେ । ଏହା ବନାରସ ଯାଏ ଚାଲିବ । ପ୍ରଧାନମନ୍ତ୍ରୀ ମାର୍ଚ୍ଚ 12ରେ ଭିସି ଜରିଆରେ ଏହାର ଉଦଘାଟନ କରିବେ । ରାଂଚି ରେଳମଣ୍ଡଳର ଡିଆରଏମ ଜସମିତ ସିଂହ ବିନ୍ଦ୍ରା ଏହି ସୂଚନା ଦେଇଛନ୍ତି । ରାଂଚି-ବନାରସ ବନ୍ଦେଭାରତରେ ଏକ୍ସପ୍ରେସ ଆଠଟି ଚେୟାରକାର କୋଚ ରହିବ । ଝାରଖଣ୍ଡ, ବିହାର ଏବଂ ଓଡ଼ିଶାର ରେଳଯାତ୍ରୀ ଏହାଯୋଗୁ ଉପକୃତ ହେବେ । ଏହି ଟ୍ରେନ ରାଂଚି-ଲୋହରଦଗା-ଟୋରି, ଡାଲଟନଗଂଜ, ଗଢବା ରୋଡ, ଗୟା ଓ ପଣ୍ଡିତ ଦୀନଦୟାଲ ଉପାଧ୍ୟାୟ ଷ୍ଟେସନ ଦେଇ ବାରଣାସୀରେ ପହଂଚିବ । ଏହା ବୋକାରୋ ଷ୍ଟିଲ ସିଟି, ହଜାରିବାଗ, କୋଡରମା ଓ ଗୟା ଜଙ୍କସନ ଦେଇ ଯାତ୍ରା କରିବ ।
