ଭୁବନେଶ୍ୱର – ବିଧାନସଭାରେ ପାଳିତ ହୋଇଛି ଜାତିର ପିତା ମହାତ୍ମାଗାନ୍ଧୀଙ୍କ ୧୫୫ ତମ ଜୟନ୍ତୀ। ରାଜ୍ୟପାଳ ରଘୁବର ଦାସ, ମୁଖ୍ୟମନ୍ତ୍ରୀ ମୋହନ ଚରଣ ମାଝୀ, ବାଚସ୍ପତି ସୁରମା ପାଢ଼ୀ , ଉପ ବାଚସ୍ପତି ପ୍ରମୁଖ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ଶ୍ରଦ୍ଧାସୁମନ ଅର୍ପଣ କରିଛନ୍ତି । ଆଇନ ମନ୍ତ୍ରୀ, ସ୍ୱାସ୍ଥ୍ୟ ମନ୍ତ୍ରୀ ଓ ଏକାମ୍ର ବିଧାୟକ ବାବୁ ସିଂ ମଧ୍ୟ ଶ୍ରଦ୍ଧାସୁମନ ଅର୍ପଣ କରିଛନ୍ତି । ଆଜି ବିଶେଷ ଦିନରେ କ୍ରାନ୍ତି ଦୂତ, ଶାନ୍ତି ଦୂତ ମହାତ୍ମା ଗାନ୍ଧୀଙ୍କୁ ସ୍ମରଣ କରିଥିଲେ ସମସ୍ତେ । ବାପୁଙ୍କ ଅତି ପ୍ରିୟ ଆଶ୍ରମ ଭଜନ ଓ ରାମ ଧୁନ ଗାନ କରାଯାଇଥିଲା ।
