ଭୁବନେଶ୍ୱର- ରାଜ୍ୟର ୪୮ଟି ବନଖଣ୍ଡରେ ହାତୀ ଗଣନା । ଚଳିତ ବର୍ଷ ପ୍ରଥମଥର ପାଇଁ ଡ୍ରୋନ ସାହାଯ୍ୟରେ ହାତୀ ଗଣନା କରାଯାଇଛି। ଶୀତଋତୁରେ ଛତିଶଗଡ଼, ଝାଡ଼ଖଣ୍ଡ ଏବଂ ଆନ୍ଧ୍ରପ୍ରଦେଶରୁ କେତେ ପ୍ରବାସୀ ହାତୀ ଓଡ଼ିଶାକୁ ଆସୁଛନ୍ତି ତା’ର ସଂଖ୍ୟା ଏବଂ ଓଡ଼ିଶାର ନିଜସ୍ବ ହାତୀ କେତେ ସେ ସମ୍ବନ୍ଧରେ ଜାଣିବା ପାଇଁ ବନ ବିଭାଗ ପ୍ରଥମଥର ନିମନ୍ତେ ଶୀତଋତୁରେ ହାତୀ ଗଣନା କରିଛି। ଏହାର ରିପୋର୍ଟ ଚଳିତ ମାସ ଶେଷ ସପ୍ତାହରେ ପ୍ରକାଶ କରିବାକୁ ବନ୍ୟପ୍ରାଣୀ ବିଭାଗ ଲକ୍ଷ୍ୟ ରଖିଛି।
ନଭେମ୍ବର ୧୪ରୁ ୧୬ତାରିଖ ପର୍ଯ୍ୟନ୍ତ ତିନିଦିନ ଧରି ହାତୀ ଗଣନା କରାଯାଇଛି। ରାଜ୍ୟରେ କେତେ ହାତୀ ରହିଛନ୍ତି ସେ ସଂକ୍ରାନ୍ତ ଗଣନା ରିପୋର୍ଟ ବନ ବିଭାଗ ପକ୍ଷରୁ ପ୍ରକାଶ ପାଇବ।
