ଆଜି ପୁରୀ ଯାଇଛନ୍ତି ଭାରତୀୟ କ୍ରିକେଟର। ସକାଳୁ ସକାଳୁ ଭାରତୀୟ ଖେଳାଳୀ ବରଣ ଚକ୍ରବର୍ତ୍ତୀ , ଓ୍ବାଶଂଟନ୍ ସୁନ୍ଦର, ଅକ୍ଷୟ ପଟେଲ ପ୍ରମୁଖ ପୁରୀ ଯାଇ ମହାପ୍ରଭୁଙ୍କୁ ଦର୍ଶନ କରିଛନ୍ତି। ଏହି ୩ ଖେଳାଳୀ ଶ୍ରୀମନ୍ଦିର ସିଂହଦ୍ୱାରରେ ପହଞ୍ଚିବା ପରେ ଶ୍ରୀମନ୍ଦିର ଓ ଜିଲ୍ଲା ପ୍ରଶାସନ ପକ୍ଷରୁ ସେମାନଙ୍କୁ ସ୍ୱାଗତ କରାଯାଇଥିଲା । ସେମାନେ ଶ୍ରୀମନ୍ଦିର ସିଂହଦ୍ୱାର, ବାଇଶି ପାହାଚ ଦେଇ ବେହରଣ ଦ୍ୱାର ବାଟେ ପ୍ରବେଶ କରି ରତ୍ନସିଂହାସନସ୍ଥିତ ଚତୁର୍ଦ୍ଧାବିଗ୍ରହଙ୍କୁ ଦର୍ଶନ କରିଥିଲେ। ଦର୍ଶନ ସାରି ଫେରିବା ପରେ ବେଶ ଖୁସି ବ୍ୟକ୍ତ କରିଥିଲେ ତିନି ଖେଳାଳି । ଏଥିଲାଗି ପୁରୀରେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି।
