ବଲାଙ୍ଗୀର ଜିଲ୍ଲାରେ ରବିବାର ଏକ ଦୁଃଖଦ ଘଟଣାରେ ଜଣେ ମହିଳାଙ୍କ ମୃତଦେହ ପରିତ୍ୟକ୍ତ କୁଅରୁ ଉଦ୍ଧାର ହୋଇଛି, ଯାହାକୁ ନେଇ ହତ୍ୟା ସନ୍ଦେହ ହୋଇଛି।
ମୃତକା ଜାନକୀ ସାହୁ (୪୦), ମୁରିବାହାଲ ଥାନା ଅଧୀନ ଗୋଇମୁଣ୍ଡ ପଞ୍ଚାୟତର ଚିତ୍ରମୁଣ୍ଡା ଗାଁର। ସେ ଶନିବାର ସକାଳେ ଘରୁ ବାହାରିଥିଲେ, କିନ୍ତୁ ଦୀର୍ଘ ସମୟ ଧରି ଫେରିନଥିବାରୁ ପରିବାର ଓ ଗ୍ରାମବାସୀ ଖୋଜାଖୋଜି ଆରମ୍ଭ କରିଥିଲେ।
ରାତ୍ର ପ୍ରାୟ ୯:୩୦ଟା ସମୟରେ ତାଙ୍କ ଚାଷଜମିରେ ଥିବା ଏକ ପରିତ୍ୟକ୍ତ କୁଅ ଭିତରୁ ମୃତଦେହ ମିଳିଥିଲା।
ଖବର ପାଇ ପୋଲିସ ଦଳ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଡଗ୍ ସ୍କ୍ୱାଡ୍ ଆସିବା ପରେ ମୃତଦେହକୁ କୁଅରୁ ବାହାର କରାଯିବ ବୋଲି ପୋଲିସ କହିଛି।
ଜାନକୀଙ୍କ ସ୍ୱାମୀ କିଶୋର ସାହୁ ଗତ ୪ ବର୍ଷ ଧରି ବିଦେଶରେ କାମ କରୁଛନ୍ତି। ତାଙ୍କର ଦୁଇ ଝିଅ ଓ ଜଣେ ପୁଅ ଅଛନ୍ତି।
ଗ୍ରାମବାସୀମାନେ ଏହାକୁ ହତ୍ୟା ଘଟଣା ବୋଲି ସନ୍ଦେହ କରୁଥିବାବେଳେ ପୋଲିସ ସମସ୍ତ ପ୍ରସଙ୍ଗରୁ ତଦନ୍ତ ଜାରି ରଖିଛି।
