ବେଙ୍ଗାଲୁରୁ, 3 ଜୁନ- ଡି. କେ. ଶିବକୁମାର ଆଜି କର୍ଣ୍ଣାଟକର ମୁଖ୍ୟମନ୍ତ୍ରୀ ଭାବେ ଦାୟିତ୍ୱ ଗ୍ରହଣ କରିବେ। ରାଜ୍ୟପାଳ ଥାୱରଚାନ୍ଦ ଗେହଲଟ ଅପରାହ୍ନ 4ଟା 05 ମିନିଟରେ ତାଙ୍କୁ 25ତମ ମୁଖ୍ୟମନ୍ତ୍ରୀ ଭାବେ ପଦ ଓ ଗୋପନୀୟତାର ଶପଥ ପାଠ କରାଇବେ। ବେଙ୍ଗାଲୁରୁର ଲୋକ ଭବନର ଗ୍ଲାସ୍ ହାଉସରେ ଏହି ଶପଥ ଗ୍ରହଣ ସମାରୋହ ଅନୁଷ୍ଠିତ ହେବ।
ଲୋକ ଭବନକୁ ସ୍ୱତନ୍ତ୍ର ଭାବେ ସଜାଯାଇଛି। ରାଜଧାନୀର ବିଭିନ୍ନ ସ୍ଥାନରେ ଡି. କେ. ଶିବକୁମାରଙ୍କ ଆଦ୍ୟ ଆକାରର କଟଆଉଟ୍ ଏବଂ ବ୍ୟାନର ଲଗାଯାଇଛି। ଶାନ୍ତି, ସୌହାର୍ଦ୍ଦ୍ୟ ଏବଂ ସର୍ବଧର୍ମ ସମଭାବ ବାର୍ତ୍ତା ପ୍ରସାର ଉଦ୍ଦେଶ୍ୟରେ ବିଭିନ୍ନ ଧର୍ମର ନେତାମାନଙ୍କୁ ନିମନ୍ତ୍ରଣ କରାଯାଇଛି।
