କେନ୍ଦ୍ରୀୟ କର୍ମଚାରୀ ଓ ପେନ୍ସନଭୋଗୀଙ୍କ ପାଇଁ ଆସିଛି ଖୁସି ଖବର। ମହଙ୍ଗା ଭତ୍ତା (ଡିଏ) ଏବଂ ମହଙ୍ଗା ରିଲିଫ୍ (ଡିଆର୍)ରେ ୩ ପ୍ରତିଶତ ବୃଦ୍ଧି କରାଯାଇଛି। ଏହାଦ୍ୱାରା କର୍ମଚାରୀଙ୍କ ମାସିକ ଦରମା ଓ ପେନ୍ସନଭୋଗୀଙ୍କ ପେନ୍ସନ ପରିମାଣ ବଢ଼ିବ। ନୂଆ ହାର ଅନୁଯାୟୀ ଡିଏ ୬୦ ପ୍ରତିଶତରୁ ୬୩ ପ୍ରତିଶତକୁ ବୃଦ୍ଧି ପାଇବ ଏବଂ ଏହାର ଲାଭ ୨୦୨୬ ଜୁଲାଇ ୧ରୁ ମିଳିବ।
ଏହି ନିଷ୍ପତ୍ତିରୁ ପ୍ରାୟ ୪୮ ଲକ୍ଷ କେନ୍ଦ୍ରୀୟ କର୍ମଚାରୀ ଓ ୬୮ ଲକ୍ଷ ପେନ୍ସନଭୋଗୀ ଉପକୃତ ହେବେ। ଏଥିପାଇଁ ସରକାରଙ୍କ ଉପରେ ବାର୍ଷିକ ପ୍ରାୟ ୧୦,୦୧୬ କୋଟି ଟଙ୍କାର ଅତିରିକ୍ତ ଆର୍ଥିକ ବୋଝ ପଡ଼ିବ।
ଉଦାହରଣ ସ୍ୱରୂପ, ମୂଳ ଦରମା ୧୮,୦୦୦ ଟଙ୍କା ଥିବା କର୍ମଚାରୀଙ୍କୁ ମାସକୁ ଅତିରିକ୍ତ ୫୪୦ ଟଙ୍କା ମିଳିବ। ସେହିପରି ୫୬,୧୦୦ ଟଙ୍କା ମୂଳ ଦରମା ଥିବା କର୍ମଚାରୀଙ୍କ ମାସିକ ଭତ୍ତା ୧,୬୮୩ ଟଙ୍କା ବଢ଼ିବ। ତେବେ ବର୍ଦ୍ଧିତ ଭତ୍ତା ଓ ବକେୟା ରାଶି ସମ୍ପର୍କିତ ଚୂଡ଼ାନ୍ତ ବିବରଣୀ ସରକାରୀ ଆଦେଶ ଅନୁଯାୟୀ ଲାଗୁ ହେବ।
