ବିଜେପି ତାଲିକାରେ ଯୋଡ଼ି ହେଲେ ଆପ୍ର ୭ ଜଣ ସାଂସଦ
ରାଜ୍ୟସଭାରେ ୧୧୩ ହେଲା ବିଜେପି ସାଂସଦଙ୍କ ସଂଖ୍ୟା
ନୂଆଦିଲ୍ଲୀ, 27 ଏପ୍ରିଲ- ବିଜେପି ତାଲିକାରେ ଯୋଡ଼ି ହେଲେ ଆପ୍ର ୭ ଜଣ ସାଂସଦ । ନିକଟରେ ଆପ୍ ଛାଡିଥିବା ୭ ସାଂସଦଙ୍କ ନାଁ ତାଲିକାରେ । ଲିଷ୍ଟରେ ରାଘବ ଚଢା, ସନ୍ଦୀପ ପାଠକ ଓ ଅଶୋକ ମିତ୍ତଲ , ହରଭଜନ ସିଂହ, ସ୍ୱାତୀ ମାଲିୱାଲ, ରାଜେନ୍ଦ୍ର ଗୁପ୍ତା, ଡକ୍ଟର ବିକ୍ରମଜିତ୍ ସିଂ ସାହାଣୀଙ୍କ ନାଁ ମଧ୍ୟ ବିଜେପି ଲିଷ୍ଟରେ ରହିଛି ।
ସୋମବାର ରାଜ୍ୟସଭା ସଚିବାଳୟ ଦ୍ୱାରା ସଦନରେ ସମସ୍ତ ଦଳର ସାଂସଦଙ୍କ ଅଦ୍ୟତନ ତାଲିକା ଜାରି କରାଯାଇଥିଲା, ଯେଉଁଥିରେ ଏହି ସାତ ନେତାଙ୍କ ନାମ ଭାଜପା ସାଂସଦମାନଙ୍କ ତାଲିକାରେ ସମ୍ମିଳିତ କରାଯାଇଛି। ଏଥିରେ ଭାଜପାକୁ ଉଚ୍ଚ ସଦନରେ ଆଉ ଅଧିକ ରାଜନୈତିକ ଶକ୍ତି ମିଳିଛି।
ଉଲ୍ଲେଖନୀୟ ଯେ, 24 ଏପ୍ରିଲରେ ଆମ ଆଦମୀ ପାର୍ଟି ଛାଡ଼ି ଭାଜପାରେ ଯୋଗ ଦେଇଥିବା ସାଂସଦମାନଙ୍କ ମଧ୍ୟରେ ରାଘବ ଚଡ୍ଡା, ଅଶୋକ କୁମାର ମିତ୍ତଲ, ହରଭଜନ ସିଂହ, ସନ୍ଦୀପ କୁମାର ପାଠକ, ଡ଼ା. ବିକ୍ରମଜିତ ସିଂହ ସାହନୀ, ସ୍ୱାତି ମାଲିୱାଲ ଓ ରାଜିନ୍ଦର ଗୁପ୍ତା ଅନ୍ତର୍ଭୁକ୍ତ ଅଛନ୍ତି। ସେମାନେ ସମସ୍ତେ ବର୍ତ୍ତମାନ ଔପଚାରିକ ଭାବେ ଭାଜପା ସାଂସଦୀୟ ଦଳର ଅଂଶ ହୋଇଯାଇଛନ୍ତି।
ବିଜେପିରେ ଯୋଗ ଦେଇଥିବା ରାଘବ ଚଡ଼୍ଡାଙ୍କ ସହିତ ସାତ ଜଣ ସାଂସଦଙ୍କୁ ରାଜ୍ୟସଭାର ସଭାପତି ସି.ପି. ରାଧାକୃଷ୍ଣନ ଔପଚାରିକ ଅନୁମୋଦନ ଦେଇଛନ୍ତି। ଏହା ପରେ ରାଜ୍ୟସଭାରେ ଭାଜପା ସାଂସଦଙ୍କ ସଂଖ୍ୟା 106ରୁ ବଢ଼ି 113 ହୋଇଯାଇଛି।
