ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମହିଳା ଆରକ୍ଷଣ ସମ୍ପର୍କିତ ସଂବିଧାନ (୧୩୧ତମ ସଂଶୋଧନ) ବିଲ୍ ଲୋକସଭାରେ ପାସ୍ ହେବାରେ ବିଫଳ ହେବା ପରେ ବିପକ୍ଷ ଦଳମାନଙ୍କ ଉପରେ ତୀବ୍ର ଆକ୍ରମଣ କରିଛନ୍ତି।
ଦେଶକୁ ସମ୍ବୋଧନ କରି ସେ କହିଥିଲେ ଯେ କେନ୍ଦ୍ର ସରକାରଙ୍କ ମହିଳା ସମାନତା ପାଇଁ ନିଷ୍ଠାପୂର୍ଣ୍ଣ ପ୍ରୟାସକୁ ବିପକ୍ଷ “ଭ୍ରୁଣହତ୍ୟା” କରିଛି। ସେ କହିଥିଲେ ଯେ ଏହି ବିଲ୍ର ଉଦ୍ଦେଶ୍ୟ ଥିଲା ପାର୍ଲାମେଣ୍ଟରେ ସମସ୍ତ ରାଜ୍ୟଙ୍କୁ ସମାନ ଭାବରେ ଶକ୍ତି ଓ ପ୍ରତିନିଧିତ୍ୱ ଦେବା।
ପ୍ରଧାନମନ୍ତ୍ରୀ କହିଥିଲେ, “ଛୋଟ କିମ୍ବା ବଡ଼ ରାଜ୍ୟ, କମ୍ କିମ୍ବା ଅଧିକ ଜନସଂଖ୍ୟା—ସମସ୍ତଙ୍କୁ ସମାନ ଅଧିକାର ଦେବା ଏହି ବିଲ୍ର ଲକ୍ଷ୍ୟ ଥିଲା। କିନ୍ତୁ କଂଗ୍ରେସ ଓ ତାଙ୍କ ସହଯୋଗୀମାନେ ଏହାକୁ ଦେଶ ସମ୍ମୁଖରେ ଭ୍ରୁଣହତ୍ୟା କରିଦେଲେ।”
ସେ ଅଧିକ କହିଥିଲେ ଯେ ଭାରତୀୟ ଜାତୀୟ କଂଗ୍ରେସ, ତୃଣମୂଳ କଂଗ୍ରେସ (ଟିଏମସି), ସମାଜବାଦୀ ପାର୍ଟି (ଏସପି) ଓ ଦ୍ରାବିଡ ମୁନେତ୍ର କଝଗମ (ଡିଏମକେ) ପରି ଦଳମାନେ ଏହି ଘଟଣାର ଦାୟୀ। “ଏହି ଦଳମାନେ ସଂବିଧାନ ଓ ନାରୀ ଶକ୍ତିଙ୍କ ବିରୋଧୀ,” ବୋଲି ସେ ଅଭିଯୋଗ କରିଥିଲେ।
ପ୍ରଧାନମନ୍ତ୍ରୀ ଆହୁରି କହିଥିଲେ ଯେ ସରକାର ଲୋକସଭାରେ ଆବଶ୍ୟକ ଦୁଇ-ତୃତୀୟାଂଶ ମତାଧିକ୍ୟ ପାଇପାରିନଥିଲେ ମଧ୍ୟ, ଦେଶର ମହିଳାମାନଙ୍କ ସମର୍ଥନ ସରକାର ସହ ରହିଛି।
“ଗତକାଲି ଆମ ପାଖରେ ପ୍ରୟାପ୍ତ ସଂଖ୍ୟା ନଥିଲା, କିନ୍ତୁ ଏହା ହାର ନୁହେଁ। ଆମର ସଂଗ୍ରାମ ଏଠିରେ ଥମିବ ନାହିଁ, ଆମେ ଏହି ସଂକଳ୍ପକୁ ପୂରଣ କରିବାକୁ ପ୍ରତିବଦ୍ଧ,” ବୋଲି ସେ କହିଥିଲେ।
ଏହି ଘଟଣା ପରେ ଦେଶର ରାଜନୀତିକ ପରିସ୍ଥିତି ତିବ୍ର ହୋଇଯାଇଛି।
