ଆଜି ବିଜେପି ଆଗାମୀ ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ୧୪୪ ଜଣ ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ କରିଛି। ଭାରତୀୟ ଜନତା ପାର୍ଟି ଶୁଭେନ୍ଦୁ ଅଧିକାରୀ ଏବଂ ଦିଲୀପ ଘୋଷଙ୍କୁ ଟିକେଟ୍ ଦେଇଛି। ବିଜେପି ଶୁଭେନ୍ଦୁ ଅଧିକାରୀଙ୍କୁ ନନ୍ଦିଗ୍ରାମ ଏବଂ ଭବାନୀପୁରରୁ ପ୍ରାର୍ଥୀ କରିଛି। ମମତା ବାନାର୍ଜୀ ଭବାନୀପୁରର ବିଧାୟିକା ଅଟନ୍ତି।
ପଶ୍ଚିମବଙ୍ଗ ବିଧାନସଭା ନିର୍ବାଚନରେ ପୁଣିଥରେ ଦେଖିବାକୁ ମିଳିବ ଶୁଭେନ୍ଦୁ ଅଧିକାରୀ ବନାମ ମମତା ବାନାର୍ଜୀଙ୍କ ଲଢ଼େଇ। ବିଜେପି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିର୍ବାଚନ ମଣ୍ଡଳୀରୁ ନେତା ଶୁଭେନ୍ଦୁ ଅଧିକାରୀଙ୍କୁ ପ୍ରାର୍ଥୀ କରିଛି। ଏହି ସିଟରେ ହିଁ ଶୁଭେନ୍ଦୁଙ୍କୁ ଟିକେଟ ଦିଆଯାଇଛି। ସେ ନନ୍ଦିଗ୍ରାମରୁ ମଧ୍ୟ ପ୍ରତିଦ୍ୱନ୍ଦ୍ୱିତା କରିବେ। ଯେଉଁଠାରୁ ସେ ବର୍ତ୍ତମାନର ବିଧାୟକ ଅଛନ୍ତି। ୨୯୪ ବିଧାନସଭା ଆସନ ବିଶିଷ୍ଟ ପଶ୍ଚିମବଙ୍ଗ ବିଧାନସଭା ନିର୍ବାଚନ ଦୁଇଟି ପର୍ଯ୍ୟାୟରେ ଅନୁଷ୍ଠିତ ହେବ। ପ୍ରଥମ ପର୍ଯ୍ୟାୟରେ ୨୩ ଏପ୍ରିଲରେ ୧୫୨ ଆସନ ପାଇଁ ଏବଂ ଦ୍ୱିତୀୟ ପର୍ଯ୍ୟାୟରେ ୨୯ ଏପ୍ରିଲରେ ୧୪୨ ଆସନ ପାଇଁ ମତଦାନ ହେବ। ବିଜେପି ସମସ୍ତ ୧୪୪ ଆସନ ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛି। ପଶ୍ଚିମବଙ୍ଗ ବିଧାନସଭା ନିର୍ବାଚନରେ, ବିଜେପି ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀଙ୍କୁ ଦୁଇଟି ଆସନ ଭବାନୀପୁର ଏବଂ ନନ୍ଦୀଗ୍ରାମରୁ ପ୍ରାର୍ଥୀ କରିଛି। ଶଙ୍କର ଘୋଷଙ୍କୁ ସିଲିଗୁଡ଼ିରୁ, ଅଶୋକ ଡିଣ୍ଡାଙ୍କୁ ମୋୟନାରୁ ଏବଂ ଅଗ୍ନିମିତ୍ରା ପାଲଙ୍କୁ ଆସନସୋଲ ଦକ୍ଷିଣରୁ ପ୍ରାର୍ଥୀ କରାଯାଇଛି।
ଶୁଭେନ୍ଦୁ ଅଧିକାରୀ ଏକଦା ମମତାଙ୍କ ଅତ୍ୟନ୍ତ ଘନିଷ୍ଠ ରହିଥିଲେ। ସେ ୨୦୨୧ ବିଧାନସଭା ନିର୍ବାଚନ ପୂର୍ବରୁ ବିଜେପିରେ ମିଶିବା ସହ ପୂର୍ବଭଳି ନନ୍ଦିଗ୍ରାମରୁ ଲଢ଼ିଥିଲେ। ଏଥିସହ ବିଜୟୀ ହୋଇ ଏବେ ବେଙ୍ଗଲ ବିଧାନସଭାରେ ବିରୋଧୀ ଦଳ ନେତା ଭାବେ କାର୍ଯ୍ୟ କରୁଛନ୍ତି।
